Keiserlik Tarto maa kohus om selle kogokonna kohtule kirjaga d.d. 26 Juny a.c. sub. № 6729., Tarto II kroono mõtsa herra kaibust selle kogokonna kohtu kätte saatnu, et Andres Alter, Hans Kimmalane ja Toomas Kenksep 17 kõiwo, ja Ado ja Hindrik Uibo 9 kõiwo Kroono mõtsast warastanu. -

Kutsuti ette Kroono mõtsa waht Jaan Juust, ja ütles, - et talwel om säält 9 kõiwo warastedu, - tema om sis kohtomehe Hindrik Leiteri wõtnu, ja otsma lännuwa, nink om sis Adam ja Hindrik Uibo muro päält no kõiwod löidnuwa tüwwiga, - muudkui ütel suurel kõiwol ei ole tüwwe ollu, - aga ladwad ja ossad kül olluwa.

Kohtomees Hindrik Leiter ütles, nema omma kül Hindrik ja Adam Uibo muro pääl kõiwo puid ja osse löidnuwa, ja kõiwo puid ollu riita pantu ollu, tema om werewa kriidiga puu otse pääle kirjotanu, - aga kas no puu kroonu mõtsast warastedu ehk muijalt toodu - tood ei woida tema ütelda ei ka teeda. -

Adam ja Hindrik Uibo ütliwa, et nema talwel krono mõtsast ei ole üttegi kõiwu ei ka muud puud warastanu, es ole ka keaki neid kinni wõtnu. - Nema olewad talwel omad puud omast mõtsast ragonuwa ja wedanuwa. -

Mõtsawaht Jaan Juust ütles, et Jaan Maala, Johann Laul, ja Johann Mägi woida tunnistada, et Adam ja Hindrik Uibo kroono mõtsast talwel puid warastanu. - neid tunnistajid ei ole täämba siin. -

Andres Alter, Hans Kimalane ja Toomas Kenksep kroono mõtsast 17 kõiwo warastamise perast - andse mõtsawaht Jaan Juust Protokolli: - Tema olewad sügise 1875 kats nädalit tõbine ollu, - sis to aja sisen om säält kantnike mant no kõiwud warastedu kroono mõtsast, ja soldati naine Ann Birkenbaum, kes kantnike man kortinol - olewad temale üles andnu tood wargust, ja tema mõtsawaht Jaan Juust - ollew sis pääle terwes saamise kaema lännu sääl kroono mõtsa, ja löidnu (õige olewad, mes Ann Birkwenbaum temale olli üles andnu), et kantnikud omma kroono mõtsast kõiwo puid warastanu. -

Pääle to ollew tema - Jaan Juust esi ka kroono mõtsan manu saanu, kui Andres  Alter om kroono mõtsast kõiwo puu warastanu, ja om jo wankri pääle pantu ollu. -

Kantniko, Andres Alter, Hans Kimalane, ja Toomas Kängsep anniwa selle pääle Protokolli: - Andres Alter ütles, et tema om kuiwi puid ja hao prükki mõtsast wedanu, sis om kül mõtsawaht manu saanu, - aga rohkemb ei olewad keaki säält warastanu, ja muust nema ei teedwad midagi. - ei wõiwad ka nema ütelda, kes noid kande om mõtsa tennu. -

Kogokonna kohto mehed arwasiwa - kroono mõtsa kaema minna, kui paljo puu kande nema säält löidwa, - nink anniwa kohtomehed üles, et nema omma löidnuwa krono mõtsast kõiwo puije kande. - 

Pääle selle, kui kiik kutsutud kohtu een ära saiwa kulleldos, sis

arwas

kogokonna kohus, se Protocoll keiserliko Tarto maa kohtude saata.