Moisa walitsuse kaibuse asjus, wasta kantnike, niso söötmise perast mes Protokoll № 22 kirjotedu om, kutsuti kantnik Hindrik Lucht ette, nink ütles; nema omma tuli weren ülewan ollu, sis ollud tema ja Adra hobesed edimetsed jala nisun ollu, ja Hindrik Ader olla esi wälja ajanu, tõised hobesed ei olewa sukugi nisun ollu, aga Aado Teder ei ollew neid mitte wälja ajanu. - Naad omma ka kül Ado Tedre sääl nännuwa ja Aado Teder olla siis ütelnu, et 4 hobest olla nisun ollu, mes aga sukugi tõsi ei ollew. -

Hindrik Ader ütles ka, et 2 hobest nimelt Jakob Adra ja Hindrik Luha hobesed, olluwa sisen, ja tema ollew esi walja ajanu. - Ado Teder ei ollew säälgi ollu.

Mari Ilwes ütles, tema om kodu tullu lõunaigo, ja om sis ta nännu, et hobesed omma nisun ollu; - tema om sis lasknu karjusel Ann Ilwesel wälja ajada, nink om Ann Ilwes 3 moisa hobest nisust wälja ajanu.