Protokolli N 74 manno

Kutsmise pääle olliwa ette tulnu Jaan Omri ja Tannil Ruus nink wiimane and wastust, et tema um kül neid kõiwa ja hawa puid minewa süguse ja suwel ragonu, kuna tema selkõrral esi weel selle maja perremees um olnu, ja kui se talo maa ära um saanu Jaan Omril ostetus, sis ei ole tema säält mitte ennamb ragonu.

Jaan Omri pallel selle üle Peter Järw ja Jaan Purge ette kutsu.

Peter Järw and tunnistust, et Tannil Ruus om ne kõiwo mööda lännu talwel maha raggonu.

Jaan Purge es ütle sellest midagi teedwat.

Päkohtumees Gustav Ehrlich and üles, et tema um neid kõiwo kanda üle kaenu ja leudnu, et:

wiistõist xx kõiwa olnu 2 tolli jämme ja arwata  9 jalg pikk

wiis              "                  4  "                                   12  "

kattesse      "                  3  "                                   10  "

üts               "                 12  "                                   18  "

kats             "                   8  "                                   18  "

nelli             "                   5  "                                   15  "

wiis haawa                      4  "                                   12  "

üts          "                        6  "                                   15  "

üts          "                        7  "                                    18  "

ent kes neid ragonu om, ei ole mitte awalikus saanu.

Otsus:

Peter Purge sel 3 Junil ette kutsu.

päkohtumees Gustav Ehrlich [allkiri]

kohtumees Andri Lõhmus [allkiri]

      "             Andri Fluss [allkiri]

Kirjotj.: J.Kirrop