Albret Asseruse kaibuse asjus, № 8 & 9 - kutsuti ette Johann Orrik ja ta koste küsimise pääle, tema om Willem Kauriga pükse wahetanu, sääl kõwwa liike joonud, jäänu taade kõrtsi purju, sis olla kõrdsimees teda ette kõrdsi tõuganu, sis jäänu pengi pääle magama, ja ei olla Albret Asserust tol õdagul silmagagi nännu.
Et Albret Asserust tol õdagul pessetu ollew - ei olla ta sukkugi kuulu ei ka nännu, ei olla ka sukkugi tema kedagi puttun. -
Hermann Kikkas ütles ta olla kül kolme kuninga päiwal kõrdsi manu ollu, Willem Kaur ja Johann Orik wahetanuwa pükse, sis joonuwa liike ja saanuwa purju, lännu wälja ree pääle magama, sis olla tõised teda hobesega kodo wiinud, tee pääl wirgunu ta üles. Albret Asserus olla kül kõrdsi manu aga toll korral ei olla teda keaki putunu, ei teedwat tema tost midagi.
Ilmjerwe kõrdsimees Nikolaÿ Kartusow kutsuti ette, ja ta koste küsimise pääle, et Albret Asserus olla purjun ollu kui ta Ilmjerwe kõrtsi tullu, tema ei ole Albret Asseruse pesmist sukkugi nännu, tema - Kartusow olla maganu, sis olla kõrdsinaine tema üles ajanu, ja ollu ka sis Albret Asserus sääl. - Ka olla too kogoni wõls, et Asserus olla ütelnu, et tuli olla kõrdsist saanu ära kistutedus. Albret Asserusse kutsmise pääle olla ta kül sis lännu teda ära saatma, ja Albret Asserus om sis kodo sõitnu, - sis om ta esi tagasi tullu, - aga et tema sääl saatmise man Albret Asserust olessi käkistanu, ja tema kübara ära lahknu, tood - olla kogoni wõls. - Tema tost midagi ei teedwat. - Et tema Albret Asseruse ilusaste kodominema om saatnu, ja sis esi tagasi tullu - tood woida Jaan Reedi ka tunnistada. -
Sangastest Hans Willa ei ole täämba siin.
Otsus: 4 Aprillis sija tallitada: Sangastest Hans Willa, Peter Talwik, Hindrik Peterson, Sohwi Kartusow. Johann Maala, Anna Palkaniw, Aadam Purmask, Michel Trik. -
Albret Asseruse kaibuse asjus, № 8 & 9 - kutsuti ette Johann Orrik ja ta koste küsimise pääle, tema om Willem Kauriga pükse wahetanu, sääl kõwwa liike joonud, jäänu taade kõrtsi purju, sis olla kõrdsimees teda ette kõrdsi tõuganu, sis jäänu pengi pääle magama, ja ei olla Albret Asserust tol õdagul silmagagi nännu.
Et Albret Asserust tol õdagul pessetu ollew - ei olla ta sukkugi kuulu ei ka nännu, ei olla ka sukkugi tema kedagi puttun. -
Hermann Kikkas ütles ta olla kül kolme kuninga päiwal kõrdsi manu ollu, Willem Kaur ja Johann Orik wahetanuwa pükse, sis joonuwa liike ja saanuwa purju, lännu wälja ree pääle magama, sis olla tõised teda hobesega kodo wiinud, tee pääl wirgunu ta üles. Albret Asserus olla kül kõrdsi manu aga toll korral ei olla teda keaki putunu, ei teedwat tema tost midagi.
Ilmjerwe kõrdsimees Nikolaÿ Kartusow kutsuti ette, ja ta koste küsimise pääle, et Albret Asserus olla purjun ollu kui ta Ilmjerwe kõrtsi tullu, tema ei ole Albret Asseruse pesmist sukkugi nännu, tema - Kartusow olla maganu, sis olla kõrdsinaine tema üles ajanu, ja ollu ka sis Albret Asserus sääl. - Ka olla too kogoni wõls, et Asserus olla ütelnu, et tuli olla kõrdsist saanu ära kistutedus. Albret Asserusse kutsmise pääle olla ta kül sis lännu teda ära saatma, ja Albret Asserus om sis kodo sõitnu, - sis om ta esi tagasi tullu, - aga et tema sääl saatmise man Albret Asserust olessi käkistanu, ja tema kübara ära lahknu, tood - olla kogoni wõls. - Tema tost midagi ei teedwat. - Et tema Albret Asseruse ilusaste kodominema om saatnu, ja sis esi tagasi tullu - tood woida Jaan Reedi ka tunnistada. -
Sangastest Hans Willa ei ole täämba siin.
Otsus: 4 Aprillis sija tallitada: Sangastest Hans Willa, Peter Talwik, Hindrik Peterson, Sohwi Kartusow. Johann Maala, Anna Palkaniw, Aadam Purmask, Michel Trik. -
