Saamul Karo - Ilmjerwe moisa mõtsawaht - kaibas, temale olla Ilmjerwe moisa sulase naine Ann Teder kõnelnu - kui tema tüdruk Mari Kutsar olla temal - Saamuel Karo käest moisade oma ema kätte toonu: tatriko suurmid, jaho, ja lango, - Sis olla tema - Samuel Karo  - omma kraami lännu kaema, ja om sis löidnu, et temal om kotist lango ära warastedu, ja Zea külg liha, suurmid olla tema ka arwu saanu et warastedu om - aga ei teeda ütelde, kui paljo suurmid. -

Ann Teder ja Ewa Sollman woida tunnistada, et Mari Kutsari ema olla karja laudan kõnelnu, ja tenanu, et Saamul Karo tütrele jaho andnu temale tuwwa. Ewa Sollmann olla esi noid jahu taren Mari Kutsari emal lamba naha pääl nännu, ja om ema ütelnu, et tütär olewad toonu. - Saamuel Karo ütles, et ta ei ole Mari Kutsarile midagi andnu, waid ta om warastanu.

Tunnistaja Ann Teder tunnistas: Mari Kutsari ema om ütelnu: "Jummal awitago Saamul Karo naist Anne, et ta mulle om tütrelt saatnu paari matti suurmit."

Ewa Sollmann tunnistas: Mari Kutsari ema om ütelnu karja laudan, et Jummal awitago Saamuli Anne, et ta om mulle iks andnu paari matti tatriko suurmit. -

Mari Kutsar ütles, tema ei teedwat ütestki suurmist midagi. - Saamuli naine Ann Karro olla teda tüdrukus kauplema tullu, ja olla siis esi suurmit emale toonu. - Ta olli kül Saamuel Karu manu tüdrukun, aga saamuli kambrete ta ütsinda ei ole konagi lännu. - Kui ta ka mõnikõrd käinu, sis olla Saamuli naine Annega üten.

Mari Kutsari ema Kristin Kutsar ütles. et tütär ei olla talle üttegi suurmat toonu, waid Saamuli naine om esi toonu kuio ta tütärd tull tüdrukus kauplema, ta ei ole kül mõõtnu, kui paljo. -

Et sellele üttegi õiget otsust ei ka tunnistust es saa - ja et Saamuli naine kauplemise aigo esi suurmit om andnu, sis moistis kogokonna kohus

Saamul Karo ei woi midagi nõuda - peawa rahul jääma. -

Kohto otsus kuulutedi kohtun käüjile 1860 aastast Liiwa maa Talorahwa sääduse raamatu §§ 772 & 773 oppusega