Wana Koiola kogokonna kohtun Wissel, sel 22 januaril 1879.

Man olliwa kohtowanemba eest kohtomees Jaan Maasik

                                                                 do        Jaan Plakk

                                                                  do       Karl Tobrelutz

Toolamaa moisa walitsus kaibap oma woliniku Friedrich Martensen läbi, et Peter Kade om lepnu 2 meest kuwwes kuus Toolama moisa karja söötma, nink katte mehe eest 15 rbl kuus palka tinginu; ent 2 päiwa perast om(m)a ne mehe teenistusest ära lännu, selleperast nõwwap nimetetu moisa walitsus 90 rbl. -

§ 465 perra. Peter Kade kaeraha 1 rbl saanu.

Peter Kade näut oma kontrakt ette kos kaup härja söötmise üle tettu olli; ent Toolamoisa walitsus om tema mehi kiiki moisa elajed sunnitu söötma - mes tema sulase es jõwwa walja tetta, nink pidawa ka weel pääle selle mooni lehmi söötma nink piima toorot kandma, mes neide leppingo sisen ei ole olnu.

I Peter Kade and tunistust, kes see teenja olli, et Toolamaa moisa walitsus om neile sööta andnu moisa karja kõik, moona lehma nink moisa zea, pääle härja söötmise, mes neide leppingu sisen ei ole olnu. -

II  Samo Haidak and sedasamma tunistust.

 Toolamoisa walitsus and neide töö meeste tunistuse wastu seletust, et mesperast nee mehe ilma moisa walitsuse teedmata ära tulnu. -

Samo Haidak nink Peter Kade ütles et selle omma nema ära tulnu, et neide töö om lepingot wasta, nink täutmata rasse olnu, mes üle ka üles üttelnu, moisa wa-

litsuse om(m)a. 

Peter Kade nõwwap niisama Toolamaa moisa walitsuse kaest 89 rbl kahjo tasomist, selle et tema kaup om saanu sellega rikkutus, et Toolama moisa walitsus om tema mehe kiik karja sootma, mitte härgi talitama pandnu, nii kui kontrakti pohjus naitap. 

Mõistetu: Et neide töömeeste wälja ütlemise perra, Toolamoisa walitsus, om(m)a kontrakti ei ole täütnu, nink toine amet andnu nii kui kontrakt näutap härgi sööta, mitte kiike karja ei ka moona elajet, mes leppingon nimetet ei ole. - mes perast Peter Kade töömehe es jõwwa wälja tetta.

Otsus: Toolamaa moisa walitsus; massap Peter Kadele 89 rbl 4 nädali sisen ära. -

Kohtokaujile otsus ette loetu, suuremba kohto kaumise säädus § 772, 773, 774 perra kuulutu.

Friedrich Martensen Toolamaa moisa walitsus kuulut, et tema selle otsusega rahu ei ole, pallep suurembat kohut käwwa, mes ka lubatus sai. -

               Kogokonna kohtowanemb: Jaan Maasik

                                                                Jaan Plak

                                                                 Mihkel Plakso

                                                                 Karl Tobrelutz

                                                                      Kirj. P Black

Protokoll, sel 23tal januaril 1879. Keiserlikku I Tarto kihelkonna kohtu ära saadetu. -

                                                                     Kirjotaja P. Black