Albret Asserus kaibas, tema om andnu Nikolaÿ Kartusowile 1 suur koorma ristik hainu, mes hobene jõus wedada, pääle to 1 oksjonil ostetu särgi eest masmata 50 kp. - Wana Michel Maala ja Peeter Lääts omma awitanu ristikhaina koormad pääle tetta. -

Nikolai Kartusow ütles, Albret Asserus olla hainu wedanu ja olla sis esi kutsnu, - sis olla tema ka kül lännu, ja Albret Asserus om andnu armo perast, - ta olla sis küsinu hinna perast, sis olla Asserus ütelnu, et ta midagi ei tahtwad. - Temal - Kartusowil ei ole kaplagi üten wõetu ollu, - Albret om henda poolt üte nööri andnu, tema om sis hainuga kodo tulnu, rihaalutse wärist sisse sõitnu. - To olla wõls, et Asserus temale ni suure koorma andnu. - Kui ta oles raha eest ostnu, sis oles tema Kartusow - esi koormat tennu, aga wana Michel Maala on wankri pääl ollu, ja Peeter Lääts om kuhja päält hainu pildnu, Widrik Karo ollu ka sääl manu. - Ta olla poole toopi wiina wiinu, ja Albret Asserus olla no haina tale kinknu. -

Albret Asserus nõudse to hainu eest 12 Rb.

Otsus: 11 Aprillis kohto manu tallitada: wana Michel Maala, Peeter Lääts, Widrik Karro, Albret Asserus, Nikolaÿ Kartusow