Wana Koiola kogokonna kohtun Wissel, sel 29. januaril 1879.

Man olliwa kohtowanemb M Kurwitz

                    kohtomees: Karl Tobrelutz

                             do        Jaan Plakk

Timmon ellaja Wiido Lukka kaibap, et peter Lutzar ei ole tema palka ära masnu 8 1/2 rbl  nõwwap seda kätte.

Peter Lutzar wastutas, et Wiido Lukka om palk kätte saanu, kopkast kopkani. -

Johan Kranziweer and tunistust, et Wiido Lukka om oma rehnung ära seletanu, nink palk Peter Lutzar käest katte saanu.

Moistetu: Et tunistuse läbi awalik, et Peter Lutzar oma palk Wiido Lukkale ära masnu.

Otsus: Ei saa kaibaja Wido Luka Peter Lutzar käest midagi

Otsus ette loetu § 772. - 774 kuulutetu

              Kohtowanemb: Mihkel Kurwits

                Kohtomees Jaan Plak

                       do          Karl Tobrelutz

                        Kirjotaja P. Black