Koigo moisa walitsuse nimel kaibas - L. Schaffee tema om Ilmjerwest Jaan Elpuse käest minewa sügise 17 Rubla 50 kopka eest härja kaubelnu, 5 Rubla käe raha andnu, - aga Jaan Elpus ei ole härga ei ka käe raha tagasi andnu. -

Jaan Elpus ütles, tema om kauba tennu 17 Rb. 50 kop härja eest, om kül saanu 5 Rubla käe raha, - ja tahe wasta, - aga tähe pääl ei olla rohkemb üles pantu ollu, kui 10 Rubla wõlgo saamata. - To perast ei ole ta sis härga wiinu, - ja om käe raha Rondso kõrdsin ära andnu. -

L. Schaffee ütles, pääle too, kui härg ei ole ära wiidu - olla Jaan Elpus Koigo kõrdsin 5 Rubla lawwa pääle wisanu ja ütelnu; siin om Teie raha - tema - L. Schaffee ei ole tood raha wõtnu, om ära tullu; - kas Elpus oma raha lawwa päält ära wõt ehk es wõta, tood tema ei teedwad. 

Tunnistajad: Hindrik Weski ütles: - Jaan Elpus om käe raha Koigo kõrdsin lawwa pääle pandnu, L. Schaffee om wälja tullu, raha om jäänu kõrdsi mehe kätte. - Ta olewad kuulu, et tähe pääl om ennegi 10 Rubla ollu. - Raha andmise aigo ei ole ta tähte nännu. -

Jakob Herbst Koigust - ütel: Koigo kõrdsi man olla Jaan Elpus ja L. Schaffe 17 Rb. 50 kop eest härja kauba ära tennu, 5 Rubla käeraha antu, - ja täht, - et 12 Rb. 50 kop om weel wõlgo. -

Kikka Jaan Elpusd ollu perast käe raha 5 Rb. Koigo kõrdsin L. Schaffeele paknu, ta ei ole wõtnu, sis jäänu to raha kõrdsi lawwa pääle, - tema Jakob Herbst om raha lawwa päält ära wõtnu, ja olla prõlla tema käen. -

L. Schaffe nõwwab Jaan Elpuse käest nüüd 30 Rb.

Selle pääle moistis kogokonna kohus, et to asi joba ilda om - sis peab Jaan Elpus käe raha 5 Rubla - ja liigo raha 1 Rb. L. Schaffeele ära masma. -

Kohto otsus kuulutedi kohtun käüjile Liiwi ma talorahwa 1860 aastase sääduse raamatu §§ 772 & 773 oppusega, - ja L Schafeele täht wälja antus suurembat kohut käwwa. -