Tüdruk Hels Landson asjun Rein Zimmeri wasta. 

Tunnistaja Isak Lazarus andse tunnistust: "Üts kõrd Pisso kõrtsin kõnneles Rein Zimmer minnole: "Minna olle Hels Landsoni küllalt horanu, temmal om luune ...., tedda ei hoora penni ei ka kass. Minnol ei olle sellest Hels'est muud kahjo, kui temma weep minno walmis tettu poja ärra Johann Aint'ile."

Sedda roppu juttu om Rein Zimmer minnole mittu kõrda kõnnelnu."

Tunnistaja Johann Lüüs, selle tüdruku eestkostja, kaibas: "Rein Zimmer om sel sammal päiwal Janijohani tallo majan Johann Aintile kõnnelnu: "Mes sinna Helso hendale naises wõttate, minna olle temmaga jo enne oppusse-käimist horanu, minnol om sellest pojast kahjo, mes Hels saab saama."

Tunnistaja Jaan Kraw andse nidate tunnistust: "Sel päiwal kui oppetaja Herra Lüüsi kolimaja man olli, kõnneli Rein Zimmer kolitarre wöörussen minnole ja Johann Aintile: "Se om tubli mees, kes innimessi teeb, egga Serrendri Märt Lüüs, sant, ei jõwwa latsi tetta."

Kui Hels Landsoni emma oppetaja ette läts, sis ütles Rein Zimmer: "Mes emmal siin oppetaja een asja om, egga minna emma ei olle horanu, minna olle tütrega horanu. Minna olle essi Hels'et küllalt trotsinu ja teotanu ja ka muidel lasknu teotada, siski ei jätta Johann Aint Hels Landsoni mitte wõtmata; Sedda teotamist ja trotsimist olle minna kik selle perrast tennu, et Johann Aind Helset ei wõttas naises, ni et Hels Landson minnole saas."

Muud ei tija minna midake ennamb tunnistada."

Sel 15. Mail.

Otsus.. 

Rein Zimmer massab 3 Rbl. trahw selle tüdruk Hels Landsoni teotamisse nink trotsimisse perrast. 

Om ärra masnu

Päkohtomees Märt Lüüs XXX

Kohtomees Juk Hansi XXX

  "  Peter Treumuth XXX