Kui Peep Dobro edimäne naine Marget ära kooli, kellega Peep Dobrol kats last perra jäÿ, Jaan ja Mari Tobru, sis om kogokonna kohto poolt ära koolu ema Margeta osa jago neile ülewal nimitedu 2 latsele jaotedu, et Jaan Tobro pidi osa jaos saama: üts hobene ehk 15 Rb. - üts lehm ehk 10 Rb, üts lammas, ehk 2 Rb. - nink Mari Tobro pidi saama üts lehm - 10 Rb, 1 lammas 2 Rb, 1 õhwakene 5 Rb, wäärt. - Mari Tobro om ära koolu.

Et nüüd Peep Dobro käest maja Hindrik Leiteri kätte saÿ, sis nõwwab Jaan Dobro nüüdetse peremehe Hindrik Leiteri käest ülewel nimitedu oma, ja oma sõsara osajagu Hindrik Leiteri käest, selle et tema oma osa jako ei olewat kellegi käest kätte saanu, ja ütles, et ne ülewal nimitedu osajago elajad tema esa - Peep Dobro käest - Hindrik Leiteri kätte omma saanu.

Peep Dobro om wasta wõtnu Lokomärdi majaga 4 hobest, 6 lehma, 5 lammast, 5 ohwakest, aga nüüd om Peep Dobro majaga Hindrik Leiteri kätte andnu: 3 hobest, 6 lehma, 5  lammast, ja 3 õhwakest. -

Sis om Peep Dobrol puudus andmata jäänu 1 hobene, ja 2 õhwakest, - ja saÿ kogokonna kohto poolt moistetus:

Et Peep Dobro 1 hobene wähemb om andnu Hindrik Leiteri kätte, ja 2 õhwakest, sis arwas kohus, et Peep Dobro 2 õhwakest wähamb om andnu, et sis ne 2 õhwakest 1 lehma wäärt omma, ja ei woi sis Jaan Dobro tood 1 hobest, ei ka 1 lehma Hindrik Leiteri käest nõuda, - aga Hindrik Leiter peab 1 lammas Jaan Dobrole andma, selle et ta Peep Dobro käest ka 5 lammast wasta wõt. -

Sõsara Mari Tobro kraamist - 1 lehm, 1 lammas 1 õhwakene - ei woi Jaan Tobro midagi nõuda, selle et õhwakeisi wähamb Hindrik Leiteri kätte om saanu. -

Kohto otsus kuulutedi kohtun käüjile 1860 aastase liiwi maa Talurahwa sääduse raamatu §§ 772 ct 773 oppusega, ja Jaan Tobrole täht wälja antus, suurembat kohut käwwa.