Ilmjerwe moisa Tischler Paul Haab kaibas, eila õdango om tema Ilmjerwe kõrdsin ollu, temaga omma üten olluwa: Moisast Maler Juulius Nachtmann, Moisa  kutsar Jaan Tamm, ja kõrdsi sulane Michel Päiw. - Tema - Paul Haab  om sis weidikese purjo jäänu, ja lännu kõrdsi pääle magama - nink peran teda om Maler Julius Nachtmann ka kõrdsi pääle temale perra lännu. - Hommungo om temal 60 Rubla 50 kop - raha - ja tasku Uur 8 Rb. wäärt, ja uuri wõti tõisest taskust kasti wõtme mant ära warastedu, ja kasti wõti tagasi jäänu. - Tema om kuulda saanu, et Moisa kutsar Jaan Tamm ka omma ülewan käinu. - Sis arwas Paul Haab, et Maler Julius Nachtmann ja Kutsar Jaan Tamm tema Uuri ja raha ära warastiwa.

Kõrdsimees Nikalaÿ Kartusow tunnistas: Paul Haab om kõrdsi pääle magama lännu, sis om Maler Julius Nachtmann ja kõrdsi pois Michel Päiw ka perra lännuwa. Moisa Kutsar Jaan Tamm om jo kõrdsist ära kadunu ollu. - Kõrdsi pois Michel Päiw om perast kõrdsi päält maha tullu - Malerile Juulius Nachtmann - leiba ostma - ta om tahtnu süwwa. - nink kui Michel Päiw om üles tagasi lännu - sis olla tema - Nikalaÿ Kartusow - kõrdsi wööruse usse takast kinni pandnu, et keaki sisse ei saa tulla. - Üte kõrraga tulluwa inemise wäljast sisse, ja Wööruse uss om wallale ollu. - No sisse tuleja Wööruste olliwa Kusta Kiiwid ja Märt Siimmann; - nink nee ütliwa, et Moisa kutsar om neile Wöörusest wastu tullu, ja usse takast wallale wõtnu, - nink ära pagenu. Nikolaÿ Kartusow arwas, et Jaan Tamm Paul Haaba raha ja Uuri warast.

Michel Päiw tunnistas: kui tema om Maleriga kõrdsi pääle lännu, sis tema kõrdsi pääl ei ole nännu kutsarit Jaan Tammi. - Aga kui tema maha olli tullu - Malerile leiba wiima - nink sis leiwaga läbi wööruse lännu - sis om kõrdsimees Wööruse usse sisest riiwi pandnu, - ja kõrdsi pääle minnen om sis kutsar Jaan Tamm temale kõrdsi otsa pääl wasta tulnu, ja maha tulnu.

Kui Maler leiwa olli ära söönu - nakanu ta juwwa tahtma, - nink sis om tema - Michel Päiw jälle maha tulnu, lännu lätte weerde - wõtnu wet Malerile üles wija, - aga Maler olli joba maha tulnu, nink joonu maan, ja sis jälle ütsinda üles tagasi lännu. - Michel Päiw arwas, et Maler Julius Nachtmann ja kutsar Jaan Tamm katekeste Paul Haabi raha ja Uuri warastiwe. -

Maler Julius Nachtmann ütles: nema omma kutsar Jaan Tammiga üles lännuwa, sis om rätsep Jaan Iste istun Paul Haabi manu ja laulnu. - Nema heidanuwa kiik magama, - aga ööse om rätsep Jaan Iste ülewalt ära kadunu. Jaan Tamm om sissama ära tullu, nink Michel Päiw om tulnu maha temale leiba wiima. - Tema ei olla mitte raha ei ka Uuri warastanu, ei woida ka warast teeda.

Jaan Tamm tunnist: Maler, Michel Päiw, ja tema - lännuwa kõrdsi pääle, sis rätsep Jaan Iste laulnu Paul Haabi manu. - Tema tullu ära - nink rätsep Jaan Iste jäänu sinnä. - Maha tullen om Michel Päiw otsa pääl wastu tulnu. - tema tulnu maha ja lännu mäele. - Aga wööruse ust tema ei ollew mitte wallale takast wõtnud ei ka rahwast sisse lasknu. - Wööruse uss om wallale ollugi. - Kes raha om warastanu, tood tema ei teedwat. -

Rätsep Jaan Iste kutsuti ette ja ütles: Et Maler Julius Nachtmann ja Jaan Tamm tunnistawa - et tema om kõrdsi pääl käinu - om kohalt wõls. - Tema om täwweste purjun ollu ja wäljan silla palke otse al maganu, nink kui Michel Päiw Malerile wet wei - olla Päiw ka temale wet manu walanu, sis saanu lahembas - lännu kõrtsi - ja ostnu walgast tulejile Peter Assorile pudeli õlut. - Et tema olessi kõrdsi pääle saanu - om hoobis wõls. - Ei tema ei tija kos kõrdsi pääline, ei ola ka teednu, et keaki sinna olli magama lännu. To om Malerist ja Jaan Tammest wõls tunnistus tema pääle. -

Michel Päiw ütles Rätsepa Jaan Iste kõrtsi pääl ei ka Jaan Tammi tema es näe, - aga kui ta malerile leiba om wiinu, sis om kül ülewan kõrdsi otsa pääl Jaan Tamm temale wasta tullu ja maha tullu. - Rätsep Jaan Iste ollu pääle to - kui tema malerile juwwa tulli wiima - maan purjun, - nink tema walanu Rätsepale Jaan Iste wet pääle. - Michel Päiw arwas, et Rätsep Jaan Iste ei ole kõrdsi pääl käinu, sest tema ei ole teda ülewan nännu.

Et kõrdsimees Wööruse usse sisest poolt kinni pand, ni kui kõrdsimees ja Michel Päiw tunnistawa, aga Kusta Kiiwit ja Märt Siiman sisse läksiwa, us wallale olli, ja Jaan Tamm wasta tulli, sis om awalik, et Jaan Tamm wööruse usse wallale wõt, - mes tema ära salgap.

Et Michel Päiw Rätsepa Jaan Iste - kõrdsi pääl ei ole nännu olewad, waid maan purjun, ja weel wet pääle walanu, ses om awalik, et rätsep ei ole kõrdsi pääl käinu. -

Et aga Maler Julius Nachtmann ja kotsar Jaan Tamm mõlemba kõrdsi pääl käisiwa magaman, nink mõlemba ütlewa Rätsepa Jaan Iste kõrdsi pääl nännu olewat, ja et Jaan Tamm häste kohtomanu kõnelda ei saa enge paljo kogeles, sis arwas kohus, et nema oma katekeste Paul Haab raha ja uuri warastanuwa, nink omma kokko kõnelnu, - sellest et rätsep Jaan Iste purjun olli - sis teda ka sekka wõtta, et ta olessi kõrdsi pääl käinu, mes aga Rätsep Jaan Iste wälja ütlemise ja Michel Päiw tunnistuse perra wõls om. -

Selle pääle moisteti:

Maaler Juulius Nachtmann ja Kutsar Jaan Tamm peawa kumbgi 34 Rb. 50 kop. summa 69 Rb. Tischler Paul Haab'le wälja masma, ja saawa kumbgi 20 lööki witsa trahwis

Kohto otsus kuulutedi kohtun käüjile 1860 aastase Liiwi maa Talorahwa sääduse raamatu §§ 772 ct 773 oppusega, Julius Nachtmannile ja Jaan Tammile täht wälja antus, suurembat kohut käwwa. -