Protokolli perra № 50 s.a. oli kutsmise pääle Mari Maal kohtoman, ja ütles küsimise pääle, et Mõtsawahi kari om Tedre pool raendiko pääl olnu, ja ka Mari Maal haina maa sisen, sis tema om Mõtsawahi karja wälja ajanud, - nink om ütel mõtsawahi karjussel kistu kõjo koor käen ollu, - nink om sis, mõtsawahi poig teda sõimama nakanu, Resto walla konnas, ja lubanu tulega taiwa ala saata, ja ähwardanu rusikide ala tõmmata. -

Tedre karjusse Johann Maal, Andres Graf, Karl Jõgi  ja Michel Nöps ütliwa, et Mõtsawahi poig Karl olla ütelnu neile, et tema olla eila õdangpoolen kõwaste mäijatanu; tolle man olla ollu Andres Graf; ja Andres Graf ütles: Karl Juust olla ütelnu, et nema olewad 2 kõiwo tubliste ära mäijatanuwa. -

Mõtsawaht Jaan Juust ommi karjustega ei ole täämba siin. -

Otsus: 18 Julis kohto manu tallitada: Mõtsawaht Jaan Juust ommi karjustega. - ja Tedre karjussed: Johann Maal Andres Graf Karl Jõgi, Michel Nöps.