Johann Eek kaibas, Michel Triki poig Karl Trik olla tema 2 aastase Zea jala katsgi löönu, nink on 4 näddalit põdenu, ja ei ole weel terwe, nink arwas, et Zea jalg terwes ei saaki, - nink nõwwab Michel Triki käest 15 Rb. - Löömise man omma nägije ollu: karjusse: Jaan Ader ja Hans Teder. -

Karjus Karl Trik ütles; tema ei olewad löönu, waid peni olla purenu, - sis om ziga kraawi lännu pikali maha wisanu, - ei olle keaki löönu. - Hans Teder ja Jaan Ader ollewad ka manu ollu. -

Jaan Ader tunnist, et penni ei olle Zeal pääl ollu, - Ziga saisnu kraawin, Karl Trik om kiwiga jala katsgi löönu. -

Hans Teder tunnistas: Jaan Ader om peni kotust üten wõtnu, sis omma penid Zea pääle lännuwa, - ja omma purenu Zea jala weritses, ja ziga nakanu limapama. Sis olla Jaan Ader ütelnu temale, et Karl Trik olla Zeale jala pääle kiwiga löönu. -

Tõinne kõrd tunnist Jaan Ader, et penid omma pääl Zeal olluwa, ja purenuwa Zea jala katski. - Johann Eegu peni esi om olnu, - mes tema toonu, - nink Jaan Ader om Karl Trikiga to peni mõtsa wiinu, ja Johann Eegu Zeale pääle ajanu. -

Et keaki löönu ei ole, nii kui karjusse tunnistawa, sis moisteti:

Johann Eek ei woi kellegi käest midagi nõuda. -

Kohto otsus kuulutedi kohtun käijile 1860 aastase Liiwi maa talorahwa sääduse raamatu §§ 7732 & 773 oppusega. -