Moisa walitsuse nimel kaibas rendi herra Beitler - et moisa nurme waht Samuel Karo om moisa niidust Katri Trik ja Mari Ilwes - haina warguse päält kinni wõtnu. -

Samuel Karo ütles, tema om ratsale hobesega niite kaenu, ja om Katri Triki ja Mari Ilwessed haina maa niidun kätte saanu, ja om ollu rüpu hainu täüs kakotu ollu. Zirpi ta ei ole nännu neil üten olewad, ja ei ole saanu panti wõtta.

Mari Ilwes ei ole täämba tullu.

Kattre Trik ütles: To om jo ollu Töu tegemise lõpetusen, sis om tema haina maa pääl ojast joonu ja om sis Samuel Karo temale manu tullu, ja nakanu wandma, -aga haina tema ei ole warastanu. 

Mari Ilwese mees - Johann Ilwes ütles et Saamuel Karo esi olewad warastanu hainu, - mes aga wõls om.

Moisteti:

Et tunnistust ei ole Katri Triki käest wõetu, sis ei woi awalikus saada, kas Katre Trik om hainu warastanu, ja peab moisa walitsus rahul jääma. -

Johann Ilwes saab 10 witsa lööki, to perast, et ta ütles - et nurme waht esi olessi warastanu, mes aga wõls om.

Kohto otsus kuulutedi §§ 772 ct 773 oppusega. -