Wana Koiola kogokonna kohtun, Wissel, sel 12 webruaril 1879.

Man olliwa kohtowanemb Mihkel Kurwitz

                    kohtomees Jaan Plakk

                           do         Karl Tobrelutz

Jaan Lutzuweer kaibap Timost, et Adam Lokk, ke Tilsi mõisan elap, om Wana Koiola kõrtsin teda 1877 aastal pesnu, temal 8 rubl käest ära riisnu selleman tema roiwa sällast kisknu, nink piip ka ara wõtnu

Adam Lokk wastutas, et tema om piipu wahetada tahtnu, pääle selle om Lutzuweer magama jäänu, selle man om temal piip ära wõetu nink raha ka ära kadonu, keda Lutzuweer om nakanu takkan otsma - ent Lutzuweer käest ei ole tema midagi wõtnu, ei ka teda riisnu.

Wana Koiola kõrtsinaine An Sik and tunistust: Kui mina een kõrtsi tulli om Herr von Lowis ka sisse tulnu - om uts appi hõikamine olnu, ent Jaan Lutsuweer tüllist ei tiija tema midagi üttelda. -

Kohtomees Mihkel Plakso and tunistust, et Herr von Lowis om tee pääle see lärmi ära kuulnu, kui kõrtsi om lännu sis om Jaan Lutzuweer ilma rõiwal olnu.

Mõistetu: Et Jaan Lutzuweer kaibuse pääle määrastki selget tunistust ei ole et Adam Lokk oles tema raha warastanu nink teda pesnu. -

Otsus  Jaan Lutzuweer ei saa Adam Lokk käest midagi. 

Kohtokaujile otsus ette loetu, suuremba kohto käumise säädus § 772, 773 n. 774 perra kuulutetu. -

                   Kohtowanemb: M. Kurwitz

                     Kohtomees: Jaan Plakk  XXX

                     Kohtomees: Karl Tobrelutz  XXX

                               Kirj. P Black

Jaan Lutzuweer kuulut, et tema selle otsusega rahu ei ole, pallel suurembat kohut käwwa, mes ka lubatus sai, opusleht kätte antu. -