Wana Koiola kogokonna kohtun, Wissel, sel 12 januaril 1879.

Man olliwa kohtowanemb: Mihkel Kurwitz

                    kohtomees: Jaan Plakk

                    kohtomees: Karl Tobrelutz

Samuel Härms kaibap, et Jaan Tobrelutz om temale 35 rbl wõlga nõwwap seda kätte.

Jaan Tobrelutz wastutas, et tema ei ole mitte wõtnu enge tema esa om se wõla tennu.

Härms and seletust, kui Peep Tobrelutz om poole maad pooja Jaanile andnu, om poig leppingo perra pidanu poole maaja wõlga tasoma. -

Mõistetu: Et see wõlla asi selge om, et Jaan Tobrelutzul oma wõlga 35 rbl ei ole ära masnu.

Otsus Jaan Tobrelutz peap se wõlg 35 rbl 14 päiwa sisen Samuel Härmsile ära masma.

Otsus ette loetu § 772 -774 kuulutetu. -

                   Kohtowanemb M Kurwitz

                   Kohtomees Jaan Plakk  XXX

                   Kohtomees Jaan Maasik

                        Kirjotaja P Black

Jaan Tobrelutz kuulut, et tema selle otsusega rahu ei ole pallel suurembat kohut käwwa, mes ka lubatus sai.