Moisa Rendi herra Beitler kaibas, Toomas Känksep om linno leotanu, nink om moisa hobene tema käen linno wedada ollu. - Kui Toomas Känksep lina Koorma järwe olli sõitnu, - om ta koorma ümbre tõuganu, nink koormaga üten ka hobese järwe tõuganu, nink hobese ära upotanu, mes kohtomees Hindrik Leiter olli üle kaenu. - Herra nõwwab, et Toomas Känksep to hobese eest 60 Rb. masma peassi, - to hobene om 7 aastat wana ollu, muud kui hää ede jalg ära käändunu. -

Kohtomees Hindrik Leiter tunnistas.

Tema om ollu Weski koa man, sis om Toomas Känksep tullu appi kutasma, - kui tema om lännu, om hobene uppunu ollu. - Hindrik Leiter ütles kuulu ollew, et tühjalt ümbre käänden om hobene maha kukkunu. -

Thoomas Känksep ütles, tema ei teedwad, kuis to om tullu; - kui ta hobese om järwen ümbre käändnu, - om hobene pikali kukkunu ja uppunu. -

Rendi herra Beitler ütles wiimate, et ta 10 Rubla maha jätab, nink nõwwab 50 Rb., mes Toomas Känksep 2 aastan - kummagi aasta 25 Rb. - peab ära masma.

Selle pääle moisteti:

Et Thoomas Känksepal jõudo massa ei ole, ja ka, et to hobene hää edimetse jalast puudulik om, sis moisteti, et Toomas Känksep peab 30 Rb. Rendiherra Beitlerile masma.

Kohto otsus kuulutedi  sääduse raamatu §§ 772 ct 773 oppusega. -

[märkus lehe serwal:] Lepsewad henda wahel: Thoomas Känksep massap 40 Rb. nimelt 23 aprillini 1878 20 Rb. ja 23 Aprillini 1879 20 Rb.