Rätsep Johann Orik kaibas, - känksep August Bergholz olla Ilmjerwe kõrdsi man takan taren tema maha löönu, pää tulba nukka wasta katsgi, - nink nõwwab känksep Bergholzi käest.

Känksep Bergholz kutsuti ette, ja seletas: Tema - ja Hermann Assor omma takan õlut jonuwa 2 pudelit, - sis om Rätsep Johann Orik purjun ollu, wahele tüknu, - nink temale pääle rõhknu nink tahtnu tooliga teda ümbre tõugata. - Kui ta om tahtnu süluli maha kukkuda, - sis om tema lawwa weerest kätega kinni haarnu, nink hennast taggasi tõmmanu istu, nink sis rinnaga rätsep Johann Oriko mant ära tõuganu, - to pääle om Rätsep Johann Orik - purjun - tagasi peri kukketema nakanu - nink sis maha sadanu, ja esi oma pää katsgi löönu. - Tooli  päält tema ei olegi üles saanu. -

Tunnistaja Hermann Assor tunnistas: Nema oma känksep Bergholziga klaas õlut joonud, - sis om Rätsep Johann Orik neile pääle tüknu, - tõuganu känksep Bergholzi tooliga ümbre, - to pääle om Bergholz kässiga lawwast kinni wõtnu ja hennast tagasi tommanu isto, nink to tagasi tõmbamisega henda rinnaga Rätsep Johann Oriko henda mant ära tõuganu, ja to tõukamisega om Rätsep koperdama sälupäidi nakanu, ja sadanu sis maha. - aga et Bergholz tooli päält olessi üles lännu, ja Johann Orikud löönu, om wõls. -

Pääle to kaibas Bergholz; Tollsamal kõrral - ära tullen - om Johann Orik tema wihma warjo moisa kotsil tee pääl wankrist wälja haarnu, - pesnu maad ja aida wasta, - nink - kui tema - Bergholz om tahtnu omma wihma warju Johann Oriku käest ära wõtta, - sis Johann Orik ei ole mitte tahtnu anda; - Aga kui wihma warjo kätte om saanu,- sis om Johnn Orik temale rusikuga wasta suud löönu. - Seda woida tunnistada Albret Asserus, ja moisa rahwid, - keda ta weel ei tunwad. -

Seda palles Bergholz - kohtul üle kuulata. -

Kusta Kiiwid tunnistas, - Bergholz om tooli päält üles saistanu, ja sis rätsep Johann Oriko maha tõuganu.

Otsus; et Kõrdsainaist ja Asserust siin ei ole, saab se asi 10 Octobril ette woetus. -