Protokolli perra № 74 and Ilmjerwe kõrdsi naine Sohwie Kartusow tunnistust, et tema om Kiiwitiga jutto ajanu, ollu külg lawwa poole, kos känksep Bergholz ja Johann Orik manu olluwa; - nink ei ole sis mitte nännu, kuida wiisi Johann Orikut om tõugatu, - aga to om ta nännu kui Johann Orik om nukka wasta sadanu, ja  om pää katsgi löönu. -Rätsepa Johann Orik õlle joomist Bergholzi käest - ei ole tema nännu, nink ei ole ka sis last hällin ollu kui Johan Oriko pää katsgi löödu ollu. - Et tema Johann Orikut enne olessi takast kõrdsist wälja ajada lasknu purjon oleki perast - tood tema ei mäleta. -

Albret Asserus and tunnistust: tee pääl om Johann Orik Bergholzi wihma warjo wõtnu, nink käest kisknu, ja Bergholz om wihma warjo kinni pidanu ja ei ole andnu, - sis om Johann Orik wihma warjo wallale lasknu, nink löönu ruskuga kura silma pääle, to pääle om Bergholzi silm kol päiwa paistet ollu. -

Pääle löömise om Johann Orik omma kübara maha wisanu ja nakanu röökma: tulge api, kängsep tap mino ära. -

August Bergholz ei ole täämba siin. -

Hindrik Peeterson - Johann Oriko opi pois tunnistas - Bergholz om tee pääl Johann Orikut wedanu, sis om Johann Orik rööknu - tulge appi, - aga kas Johann Orik August Bergholzile löönu, tood tema ei ole nännu. -

Johann Orik ütles, tema om wihma warjo Bergholzile kätte andnu, sis om Bergholz teda nakanu wedama - ja to pääle om sis tema hennast Bergholzi käest wallale raputanu, aga löönu ta ei ole Bergholzile. -

Otsus: kiik 31 Oktoobris kogokonna kohto manu tallitada.-

[märkus lehe serval:] Lepsewa henda wahel ära. -