Kai Teder kaibas, tema wäimees soldat Michel Suurmann om wäega halb inemine, ja peswad ja sõimawad teda ja omma naist. - Nimelt om Michel Suurmann Puuna küünin naist jalgopite asemest wälja kisknu, juusse plette pitte kaknu, käkistanu, ja sis löönu ka teda - Kaÿe, - perast lännu wälja nuija otsma, et nuijaga pessa, - sis om naine Liis Hindrik Joonasse sälja taade pakko lännu, kes ka toll kõrral küünin magasi. - Konagi ei ela Michel Suurmann häste oma naisega, alati kakelusen ja tülin. -

Michel Suurmani naine Liis Teder kaibas ka niisama, ja et se tõtte om, mes ema Kaÿ om kaiwanu. -

Hindrik Joonas tunnistas:

Kaÿ Teder, Michel Suurmani naine Liis - nink tema - Hindrik Joonas omma küünin magama lännu. - sis om soldat Michel Suurmann küüni tullu, - nink nakanu omma naist pesma, ja kuulu, et ka käkistamise hääl om naisel ollu. - To pääle om Michel Suurmann wälja lännu nuija otsma, - nink om sis naine Liis tema - Hindrik Joonasse taade pakku tullu. - Kui Michel Suurmann nuijaga küüni tullu, otsnu sis küüni mööda takan, nink tahtnu ka tema taade otsma tulla, - aga tema ei ole lasknu, ja ütelnu kurja sõnaga, et Michel Suurman rahu jätassi, - nink om ka sis Michel Suurmann rahul jäänu. -

Kohus arwas selle tunnistuste perra, et soldat Michel Suurmann kogoni süüdi om. -

Moisteti: soldat Michel Suurmann peab 3 ööd ja päiwa wangi saama pantus.