Willem Saar Nustakult .- kaibas, tema om Aado Oinasgofi käest üte wana maja 1875 aastal ostnu, nink om nüüd kuulda saanu Maarja Grafi läbi, et Aado Oinasgofi naine olla säält puid ära lasknu palotada. nink nõwwab 15 Rb. - Talli mant olewat 9 palki ja muido 59 palki ära kadonu, ja 6 wööruse põrmandu lauda, - ja muijalt ka olewad paljo laudo ära kadunu. -

Aado Oinasgof ütles: Willem Saar om kate aasta eest hoone ostnu, tollest summast om 5 Rb. wõlgo jäänu, nink Willem Saar om lubanu paar saapid teta oodusse eest, - aga Willem Saar nüüd raha mitme kõrdse nõudmise pääle ei tahtnu massa, olla nüüd Saar  süüs otsnu, et olessi puid säält mant warastedu, mes kogoni wõls om. -

Maarja Grafi tunnistust ei wõta kogokonna kohus wasta, et tema tunnistuse pääle kindmast ei woi usko, et ta kiige pidi üts halb õel inimine om. -

Et Willem Saar 5 Rb. raha ei taha massa ja wedamise aigo üttegi palgide puudust siin üles ei kaiba, waid nüüd weel kate aasta perast kaibust tõstab, sis arwas kogokonna kohus, et Aado Oinasgof süüdi ei ole, ja woib ka olla, et maja wedaja Nustakule puid tee pääle ära kaot, ehk ka esi wõt, - sis

Moisteti:

Willem Saar ei woi midagi nõuda. 

Kohto otsus kuulutedi sääduse raamatu §§ 772 ct 773 oppusega. -