Kihelkonna kohto käsu pääle pidi kooli trahw sisse nõwwetama, sis om Jaan Assor kohtomehi nakanu wandma, et kohtomehed ei ollewad temale õigust mõistnuwa, - ja nakanu sis suure lärmiga röökma nurme pääl: "Teije kuradi sunniku, prohwosed, - Teije kuradi kohod tuleti mino mano nurme raha otsma, - kui ma siist nuija wõta ja tömba teile, - teije kuradi prohwosed. -

Pääle selle om Jaan Assor seda sõimamist weel awwustanu Nüpli soe kõrdsin, et tema om jõudnu kohtomehi nii sõimata ja wandu, - nink om weel Soe kõrdsin ütelnu: " Kui ma kohto mehile oles mõne kärbiku kätte saanu, sis ma oles neile tõmmanu, - ja koer ka ei oles sis perra auknu, j: n: e:

Jaan Assor es woi seda salata, et ta kohtomehi ei ole sõimanu, waid ütles, et lats es teeni tema man, sis pidada kohtomehed ka trahw säält nõudma, kos lats teenis.

Sis moisteti: 

Jaan Assor saab kohut trotsmise ja sõimamise eest 25 witsa lööki. -

Kohto otsus kuulutedi sääduse raamatu §§ 772 ct 773 oppusega. -

[märkus lehe all servas:] Jaan Assor masse 25 witsa löögi eest trahwi 4 Rb. -