Rätsepa pois Hindrik Peterson kaibas, tema meister Johann Orik om teda Matsil ilma asjanda kõrwo mööda löönu 3 kõrd, nink prÿ tennu. -

Tunnistaja olla Jaan Maala, - ja Kristin Maala. -

Jaan Maala tunnistas Johann Orik om purjun ollu, pernaine om söögi lawwa pääle pandnu, esi ei ole sööma lännu, - ja pois Hindrik Peterson om sööma lännu, - sis om Johann Orik Hindrik Petersoni kutsnu söögi mant ära, aga pois om tahtnu enne kõtto täüs süwwa, es ole nii pea tullu, - sis om Johann Orik lännu, ja löönu Hindrik Peetersonile. -

Johann Orik kaibas, et Hindrik Peterson olla kawwa aiga söögi man ära wiitnu, to perast olla ta löönu. -

Hindrik Peterson ütles to om wõls; ja Jaan Maala ka ütles, to om wõls. -

Hindrik Peterson nõwwab löögi eest 5 Rb. summa 15 Rb.

Moisteti:

Hindrik Peeterson peap oma meistri manu tagasi jääma, kuni aastaig täis om. - ja massap meister temale lepitu palga, aga Hindrik Peterson ei tohi konagi enamb oma meistrile wasta panda. -