Johann Siiman kaibas: Kotun om tema weli Jaan Siiman temaga ilma asjanda tülli tullu hobeste söötmise perast, - tema om sis Jaan Siimanni läwest wälja tahtnu wisata, - sis om Jaan Assori naine Liis Assor teedmada kambre usse wahele tullu, - to pääle om sis Jaan Assor wälja tullu, - nink teda rusikuga päha pesnud ja silma pääle löönud, et silm ja pää paistet ollu, mes kohtomehed üle omma kaenud. -

Tunnistaja: Jaan Siimann tunnist: Johann Siimann om temaga ilma asjanda temmaga tülli tullu, harja piti kisknu, ja pesnu, - to kisa pääle om Jaan Assori naine tarest ka kambrede tullu, - sis om Johann Siimann Jaan Assori naist wälja wisanu, ja löönu Jaan Assori naise pää usse wahel katski. - To pääle om Jaan Assor sis Johann Siimanile üts kõrd löönu. -

Ann Siimann tunnist: Johann Siiman om kodo tulöu, purjun ollu ja nakanu hirmsade prassma ja om sis Jaan Assori naise Liisa pää usse wahele löönu. -

To pääle om sis Johann Siimann ka kambrest tarre lännu, - Jaan Asori naist mõnitanu, - too pääle om sis Jaan Assor 2 kõrd temale Johann Siimanile löönu. -

Jaan Assori naine Liis Assor kõnel: Johann Siiman om kambren kaklema lännu Ann Siimaniga, ja Johann Siimaniga - tema om sis ka tarest kaema lännu - wahelt kambre usse - aga Johann Siimann om tema pää kambre usse wahele löönu, nink näitas kogokonna kohto een üles, et ka Liis Assori pää olli katski löödu katsi päidi pääd. -

Jaan Assor arwas, et Johann Siimann oles ka latse läbi pesnud. -

Jaan Assor nõwwab naise rohitsemise eest 25 Rb. -

Johann Siimann nõwwab oma kate löögide eest 200 Rubla. -

Moisteti:

Et Johann Siimann tüli alust, ja Jaan Assori naise pää usse wahel katski lei, - sis moisteti: Johann Siimann peab 3 Rb. Liis Assori naisele löömise eest masma. -

Kohto otsus kuulutedi §§ 772 ct 773 oppusega. -