Wana Koiola kogokonna kohtun Wissel, sel 20tal weebruaril 1879.

Man olliwa kohtowanemb: Mihkel Kurwitz

                    kohtomees: Karl Tobrelutz

                    kohtomees: Mihkel Plakso

Johan Soe kaibap, et An Madisson om teeda hobese wargas soimanu, nõwwap, et säärne trotsmine sääduselikkult trahwitus saas. -

An Maddisson oma eestsaisjaga Johan Tennosaar Aijalt wastutap et tema ei ole mitte sõimanu. Nõwwap ka ühtlase, et kui Johan Soe terminil rent ära massap et tema Lutzer kõrtsi wõip jääda. -

Tunnistaja Peep Lutzar ütles kuulnu ollewat, et Ann Maddisson om Johan Soe appi kutsnu hobese wargust takkan otsama, kee ei ole appi lännu, sis om kül üttelnu, et na esi omma wist warga.

Johan Pütt tunistas, et tema ei ole kuulnu, et An Madisson oles Johan Soed soimanu

Mõistetu: Et soimamise üle määrstki tunistust ei ole, ei saa kaibaja midagi; nink et Ann Madisson esi om pallelnu, et Johan Soe wõip kõrtsi jääda, kui rent terminis ära massap; selleperast wõip ka sis Johan Soe Lutzer kõrtsi edesi pidada kui tema tahap. -

Kohtokäujile otsus ette loetu, suuremba kohto kaumise säädus § 772, 773 n 774 perra kuulutetu.

                      Kohtowanemb: M. Kurwitz

                      Kohtomees: Karel Tobrelutz  XXX

                      Kohtomees: Mihkel Plakso  XXX

                                Kirjotaja P. Black