See kogokonna kohus om Protokolliga d.d. 27 Juulil s.a. № 25. Tarto Maa kohtode saatnu Miina Lindebaumi surnu keha, keda Jaan Zillenskÿ olla ära giftnu. -

Täämba saÿe Jaan Zillenskÿ selle kogokonna kohto man üle kuulatus. -

Jaan Zillenskÿ kõnelas, Minewa aasta omma nema Miina Lindebaumiga Rösto wallan Tõnnisse talun teeniman olluwa, - sis olla tema kül Miina Lindebaumi ära narrinu, et tema oles perast Miina Lindebaumi ära wõtnu. - Kewade tulluwa nema Tõnnisselt ära. - Nüüd tema ei ole Miina Lindebaumi manu enne saanu, kui poolba ööse 22-23 Juulil, ja ka pühaba ööse 23-24 Juulil. - 24 Juulil hommugutsel ööl om ta ära tullu Miina Lindebaumi mant, ja tema jäänu terwes, muud tema ei teedwat. - Aga et tema Miina Lindebaumile halba rohto - ehk gifti olessi sisse andnu, - tood tema ei ollew mitte tennu, waid salgas kogoni ära. -

Jaan Zillenskÿ ütles küsimise pääle, et temal ei ole üttegi kurja mõtet Miina Lindebaumi üle ollu, ei ollew temal ka mõtet ollu Miina Lindebaumi mant last ära saata, - waid Miina jäänu terwes, kui tema ära lännu. Et Jaan Zillenskÿ kiik ära salgab, sis anti kogokonna kohto poolt 

otsuses:

Miina Lindebaumi ja tema latse surnu keha saije siist Protokolliga  d.d. 27 Julÿ c. sub № 25 keiserliko Tarto maa kohto manu saadetus, - sis saab ka Jaan Zillenskÿ selle protokolliga üten Maa kohto manu saadetus, pikemba ülekuulamise tarwis. -