Wana Koiola kogokonna kohtun, Wissel, sel 20tal webruaril 1879.

Man olliwa kohtuwanemb Mihkel Kurwitz

                    kohtumees Jaan Plakk

                           do          Karl Tobrelutz

Timmo wallmees Johan Alaweer kaibap, et tema om Pragi mehe Peter Russ käest 2 wakka ala mõtsa ostnu, nink arw ei ole täus olnu, om 1/2 pool wakka maad puudus olnu, nõwwap mõtsa kätte. -

Peter Russ ütles et mina ole omma ostetut metsa üts tük huupi müünu mes wahemb katte wakka maad olnu, mes 45 rbl eest saanu müüdus.

Hans Purrasson and tunistust, et niipaljo tiijap tema Johan Alaweer nink Peter Russi kaubast ütelda, et Russ ei ole tahtnu mitte mõtsa Alaweerele andagi nink om omma motsa tagasi nõudnu - ent siski om neide kauba asi selle tükki eest 45 rbl pääle kindmaks jäänu, kui sina wakka maa wiisi kaupa tahat, sis massat minole 60 rbl, om Russ üttelnu.

Hans Purrasson nowwap Johan Alaweer käest 1 rbl oma päiwa wiitmise eest, et ilma asjanda tunistajas pandnu. -

Mõistetu: Et selle üle tunistus om, et Peter Russ om wakka maa arwo perra 60 rbl Johan Alaweer käest noudnu, nink et kaup 45 rbl kindmas om jäänu.

Otsus: Kaibaja Johan Alaweer ei sa Peter Russ käest midagi.

Otsus ette loetu, suuremba kohto käumise saadus § 772, 773 n. 774 perra kuulutetu.

                            Kohtuwanemb: M Kurwitz

                            Kohtumees: Jaan Plakk  XXX

                                     do         Mihkel Plakso  XXX

                                        Kirjotaja P. Black

Johan Alaweer kuulut, et tema selle otsusega rahu ei ole, pallel suurembat kohut kawwa, mes ka lubatus sai. / Protokoll kihelkonna koht. saadetu.