Wana Koiola kogokonna kohtun, Wissel, sel 20tal weebruaril 1879.

Man olliwa kohtuwanemb: Mihkel Kurwitz

                    kohtumees: Jaan Plakk

                    kohtumees: Mihkel Plakso

Mihkel Pedzo kaibap, et tema om Johan Kattaiga üttine hobene ostnu, mes 18 ruublat om masnu, mas Johan Kattai 4 päiwa nadalist nink tema 2 päiwa pidanu pruukma. Johan Kattai om enne sügist see hobene ära müünu, nii et töö tegemata jäänu nink kartohwli lume ala külmanuwa, nõwwap, selleperast 50 rubl Johan Kattai käest kahjo tasomist.

Johan Kattai wastutas, et Mihkel Peedzo om temale luba andnu hobene ära müwwa ehk wahetada.

Mihkel Pedzo ütles et tema luba ei ole Johan Kattaijal andnu seda üttest hobest ära müwwa. -

Mõistetu: Et Johan Kattai om üttine hobene ära müünu, nink selle üle tunistust ei ole, et Mihkel Pedzo temale luba oles andnu seda tetta. -

Otsus: Johan Kattai peap 6 rbl Mihkel Peedzole 14 paiwa sisen kahjo tasomist ära masma.

Kohtukäujile otsus ette loetu, suuremba kohtu käumise säädus, § 772, 773n 774 perra kuulutetu.

                      Kohtuwanemba eest Jaan Plakk XXX

                               Kohtumees Karl Tobrelutz  XXX

                                       do        Mihkel Plakso  XXX

                                   Kirjotaja P. Black

Mihkel Pedzo kuulut, et tema selle otsusega rahu ei ole pallel suurembat kohut käwwa, mes ka lubatus sai.