Johann Lann kaibas: "Sel 15. Aprillil c. olli minna Pisso kõrtsin nink ostse sääl üts puddel napsi ja jõi minna tüdruk Ewa Kroniga sedda napsi, nink kui minna henda wäljamagganu olli, sis lõidse minna et minnol 16 Rbl. 60 Kop. rahha kige kottiga olli ärra kaddunu.
Ewa Kron andse Johann Lanna kaibusse päle nidate kostust: "Minna ei olle mitte Johann Lanna rahha warrastanu, minna lõidse rahha ja ka rahha kotti Wabina Hanni tallo aidaweerest tee päält. "
Tunnistaja Karl Kallion andse nidate tunnistust: "Johann Lann ostse üts puddel napsi ja läts Ewa Kron'iga wööruste, sis tulli minno emma tarre ja ütles minnole: "Minne wälja ja kae, Ewa Kron aije omma käe Johann Lanna pihta, wahhest temma Johann Lanna rahha ärra wõttab." Selle päle kaesi minna läbbi usse nink näggi, kui Ewa Kron Johann Lanna pihta omma käe ajas."
Tunnistaja Johann Kallion andse nidate tunnistust: "Päle selle mõnni päiw, kui Johann Lanna rahha ärra kaddunu olli, andse Ewa Kron minno kätte 13 Rbl. rahha allale hoita; minno küssimisse päle, kust temma sedda rahha om sanu, ütles Ewa Kron: "Minna olle Wabina wallast aidweerest 16 Rbl. 60 Kop. ütte kottiga lõidnu."
Tunnistaja Ann Joakit andse nidate tunnistust: "Ewa Kron ütles minnole tõisel hommukul, kui Johann Lanna rahha ärra olli kaddunu nidate: "Minna es wõi minnewal ööl mitte maggada, selleperrast et minnol hulk rahha pihhan olli." Minno küssimisse päle, kost temma sedda rahha om sanu, ütles temma eddimelt, et temma se rahha om Pisso kõrtsi eest suure tee päält lõidnu, ja tõine kõrd, et temma se rahha om Waltina wallast Hanni tallo aid-weerest lõidnu."
Tunnistaja Päkohtomees Märt Lüüs andse nidate tunnistust: "2 ehk 3 näddalat perrast Johann Lanna rahha-kaddumist ütles Ewa Kron Pisso kõrtsi rehhe tarre al: "Kui minna kül Johann Lanna rahha kätte anna, kes agga selle rahha, mes minna jo olle ärra kullutanu-- massab."
Tunnistaja walla wöörmünder Ado Joakit andse nidate tunnistust kui Päkohtomees Märt Lüüs om tunnistanu, nink om ka Ewa Kron temmale ütte rahha kotti näitanu ja wahhetada tahtnu, mes agga Johann Lanna rahha-kot ollewat olnu.
Ewa Kron kostis: "Se om wõls, et minna Ado Joakit'iga rahhakotti olle wahhetada tahtnu, ja ei olle ka minna Ado Joakit'ile üttegi rahhakotti näutanu; Ado Joakit om kül omma rahhakotti minnole näutanu. Minna andse selle lõitu rahha 13 Rbl. kõrtsimehhe Johann Kallioni kätte allale hoita, nink olle 3 Rbl. ärra wälja wõtnu, ni et nüüd weel Johann Kallioni käen 10 Rbl. om."
Otsus.
Katte tunnistaja wäljaütlemisse perra om se koggokonna kohhus mõistnu, et Ewa Kron peab 16 Rbl. 60 Kop. Johann Lann'ale ärra masma, nüüd siin kohto een 10 Rbl., mes Pisso kõrtsimees Johann Kallioni käen hoita olli, om Johann Lann'ale ärra antu, jääb Ewa Kron'il weel massa 6 Rbl. 60 Kop. , mes temma ommast palkast sel 2. Webruaril 1876 peab ärra masma ja 2 Rbl. trahwi waeste ladiku hääs. Johann Lann peab ka 2 Rbl. waeste ladiku hääs trahwi masma, selle eest et temma jobunu ja tüdruk Ewa Kron'iga kõrtsi wöörusse põrmandu pääl maan om olnu.
Neile kohton käujatele omma ne L. T. S. §§ 772, 773 aastast 1860 ette loetu, mes tähhele tullewa panda kui surembat kohhut tahhawa käwwa.
Päkohtomees Märt Lüüs XXX
Kohtomees Karl Wernik XXX
" Juk Hansi XXX
" Peter Treumuth XXX
" Rein Mendik XXX
Johann Lann kaibas: "Sel 15. Aprillil c. olli minna Pisso kõrtsin nink ostse sääl üts puddel napsi ja jõi minna tüdruk Ewa Kroniga sedda napsi, nink kui minna henda wäljamagganu olli, sis lõidse minna et minnol 16 Rbl. 60 Kop. rahha kige kottiga olli ärra kaddunu.
Ewa Kron andse Johann Lanna kaibusse päle nidate kostust: "Minna ei olle mitte Johann Lanna rahha warrastanu, minna lõidse rahha ja ka rahha kotti Wabina Hanni tallo aidaweerest tee päält. "
Tunnistaja Karl Kallion andse nidate tunnistust: "Johann Lann ostse üts puddel napsi ja läts Ewa Kron'iga wööruste, sis tulli minno emma tarre ja ütles minnole: "Minne wälja ja kae, Ewa Kron aije omma käe Johann Lanna pihta, wahhest temma Johann Lanna rahha ärra wõttab." Selle päle kaesi minna läbbi usse nink näggi, kui Ewa Kron Johann Lanna pihta omma käe ajas."
Tunnistaja Johann Kallion andse nidate tunnistust: "Päle selle mõnni päiw, kui Johann Lanna rahha ärra kaddunu olli, andse Ewa Kron minno kätte 13 Rbl. rahha allale hoita; minno küssimisse päle, kust temma sedda rahha om sanu, ütles Ewa Kron: "Minna olle Wabina wallast aidweerest 16 Rbl. 60 Kop. ütte kottiga lõidnu."
Tunnistaja Ann Joakit andse nidate tunnistust: "Ewa Kron ütles minnole tõisel hommukul, kui Johann Lanna rahha ärra olli kaddunu nidate: "Minna es wõi minnewal ööl mitte maggada, selleperrast et minnol hulk rahha pihhan olli." Minno küssimisse päle, kost temma sedda rahha om sanu, ütles temma eddimelt, et temma se rahha om Pisso kõrtsi eest suure tee päält lõidnu, ja tõine kõrd, et temma se rahha om Waltina wallast Hanni tallo aid-weerest lõidnu."
Tunnistaja Päkohtomees Märt Lüüs andse nidate tunnistust: "2 ehk 3 näddalat perrast Johann Lanna rahha-kaddumist ütles Ewa Kron Pisso kõrtsi rehhe tarre al: "Kui minna kül Johann Lanna rahha kätte anna, kes agga selle rahha, mes minna jo olle ärra kullutanu-- massab."
Tunnistaja walla wöörmünder Ado Joakit andse nidate tunnistust kui Päkohtomees Märt Lüüs om tunnistanu, nink om ka Ewa Kron temmale ütte rahha kotti näitanu ja wahhetada tahtnu, mes agga Johann Lanna rahha-kot ollewat olnu.
Ewa Kron kostis: "Se om wõls, et minna Ado Joakit'iga rahhakotti olle wahhetada tahtnu, ja ei olle ka minna Ado Joakit'ile üttegi rahhakotti näutanu; Ado Joakit om kül omma rahhakotti minnole näutanu. Minna andse selle lõitu rahha 13 Rbl. kõrtsimehhe Johann Kallioni kätte allale hoita, nink olle 3 Rbl. ärra wälja wõtnu, ni et nüüd weel Johann Kallioni käen 10 Rbl. om."
Otsus.
Katte tunnistaja wäljaütlemisse perra om se koggokonna kohhus mõistnu, et Ewa Kron peab 16 Rbl. 60 Kop. Johann Lann'ale ärra masma, nüüd siin kohto een 10 Rbl., mes Pisso kõrtsimees Johann Kallioni käen hoita olli, om Johann Lann'ale ärra antu, jääb Ewa Kron'il weel massa 6 Rbl. 60 Kop. , mes temma ommast palkast sel 2. Webruaril 1876 peab ärra masma ja 2 Rbl. trahwi waeste ladiku hääs. Johann Lann peab ka 2 Rbl. waeste ladiku hääs trahwi masma, selle eest et temma jobunu ja tüdruk Ewa Kron'iga kõrtsi wöörusse põrmandu pääl maan om olnu.
Neile kohton käujatele omma ne L. T. S. §§ 772, 773 aastast 1860 ette loetu, mes tähhele tullewa panda kui surembat kohhut tahhawa käwwa.
Päkohtomees Märt Lüüs XXX
Kohtomees Karl Wernik XXX
" Juk Hansi XXX
" Peter Treumuth XXX
" Rein Mendik XXX
