Wana Koiola kogokonna kohtun, Wissel, sel 14.tal april 1882

                                                                         #

Man olliwa kohtuwanemb: Jaan Weiken

                    kohtumees Joosep Hurt

                              do      Jaan Tobrelutz

Johan Kade kaibap, et Johan Kaha om teda trotsnu, et Peter Haidak hobese päält oles suitse warastanu, nink tema kätte andnu, kuna tema sel kõrral mitte Wissel es ole  - pallep kogokonna kohut Johan Kahn siin mõõdul trahwi - nink nõwwap 6 rbl oma kohtu aja wiitmise eest. -

Johan Kaha annap wastust, et tema ei ole mitte tundnu, seda meest kee suitse tema kätte andnu, om saarne olno kui Johan Kade, selle perast pallep andes. -

Mõistetu: Et awalik, et Johan Kaha kaibajat trotsnu.

Otsus: Johan Kaha istup 1 päiw kinni - nink massap 3 rbl Johan Kadele aja wiitmise eest. -

                 Jaan Weiken, kohtuwanemb

                  Joosep Hurt  XXX

                  Jaan Tobrelutz  XXX

                           Kirjot P. Black