Kohto ette kaibas Rösto koolmeister Karl Tintz, Ilmjerwe walla meeste Tani Andresson, Jaan Reitaw ja Peeter Asori üle, et nema Peeter Müllersoni kaibdusen wasta Karl Tintz - teotamise perast - tema - Karl Tintzo wasta wõlssi tunnistanud, mida Urwaste kooli kohto man om ette loetu, aga tunnistajate temale wälja üteluse perra es olewad nemad Rösto kogokonna kohto man mitte ni tunnistanud. - Sis pallel Karl Tintz nende ülewel nimitedu meeste tunnistust protokolli wõtta. -

Kutsoti ette: Tani Andresson, nink tunnist: Tema om Ilmjerwe kõrdsi man olnu, Karl Tintz om tulnu sinna, om tuta olnu weidi, - et tema - kas napsi wai õlut olli joonu, - aga et Karl Tintz täwweste purjun oles olnu, - ei ole tema nännu, ei ole ka Rösto kogokonna kohto man mitte toda tunnistanu, ta olla ka sääl niisama tunnistanu, muud tema ei teedwad. -

Jaan Raitaw tunnist, kui tema oma naise esa poolt tulli, om tema Tintsoga Ilmjerwe kõrdsi man kokko saanu, nink om Tintzu käest raha küsinu, mes temal lina seemende eest massa olli; Tintz olla ütelnu, et temal olla Risti kõrdsimehe kääst saada, ja omma sis üten Jaan Reitawi hobesega üten sinnä sõitnuwa. 

Ilmjerwest om Niklus nendiga üten sõitnu, ja om tee pääl lorri ja lärmi tennu ja kõnelnu, mes wäärt ei ole kõnelda. -

Karl Tintzust om aga tuta ollu, et ta kas weidi õlut wai wiina om wõtnu; - aga et ta olessi Rösto kogokonna kohtoman tunnistanu, kui olessi Tintz täüs purjun ollu - olla kogoni wõls - Muud tema ei teedwad.

Peeter Asor tunnistas: Urwaste püha aija jutusse päiwal om Walga I Seminari Seminarist Adolf Asor, Karl Tintz, ja tema P. Asor - Urwaste Mäe kõrdsi man mõni pudel õlut joonud, Adolf Asor küsinu hendale ütte wõileiba, aga kõrdsimees andnu liha;

Adolf Asor masnu selle eest raha, Perast andnu kõrdsimees Lüüs P. Asorile henda poolt ka liha ja leiba, nink Karl Tintz saanu ka nende mant; aga et Karl Tintz sääl olessi liha warastanu, om kogoni tühi wõls, es ole ka sääl keaki üts üten ja tõine tõisen kambren, nii kui Rösto kogokonna kohto man P. Asori tunnistus Protokolli olla wõetu, mes Karl Tintz ütles, hendale nii ette loetu ollew. -

Et mõni putil õlut joodi; - om õige, aga et keaki - nimelt ka Karl Tintz purjun olessi olnu - om jälle wõls. -

Karl Tintz palles, temale se Protokoll ka kätte anda. -

Otsus:

Karl Tintzu palwe pääle temale se Protokoll wälja anda. -