Sellen Johann Akkermanni ärra warrastedu 140 Rbl. rahha üllesotsimisse asjun.
Wallawannemb Johann Zimmer om muide wallawallitsusse liikmide abbiga sedda Johann Akkermanni ärra warrastedu 140 Rbl. perra nakkanu nõudma, nink sel sammal päiwal om David Akkermann Annemõisa rentnik Samul Zimmerile ülles tunnistanu: "Kuule pai perremees, sinnole tahha minna kik ärra tunnistada; minna olle selle Tinno Johann Akkermanni 140 Rubla rahha kül ärra warrastanu, ja minna pandse selle rahha kige kottiga hainamaa päle ütte puhma sisse, minna anna selle rahha sinno kätte allale hoita."
Sel 3. Julil 1875.
David Akkermann, 16 aastat wanna, toodi kohtomaja manno 2 wahhi al wangi tarre kinni panda.
Sel 4. Julil 1875.
Tõine kõrd om David Akkermann nidate ülles tunnistanu Samul Zimmer, Peter Treumuth, Jaan Anzow ja Johann Akkermann kuulden: "Se om õige, et minna selle rahha 140 Rbl. olle ärra warrastanu."
Sel sammal päiwal wõtse Jaan Anzow, Peter Treumuth ja Johann Akkermann David Akkermanni wangitarrest wälja nink lätsiwa sedda rahha üllesotsima, ent se otsimisse waiw olli kik ilma asjata, rahha es saa mitte kätte.
Sel 5. Julil 1875.
Om David Akkermann üttelnu, et temma selle rahha 140 Rubla om Peep Rimmi kätte andnu allale hoita.
Sel sammal päiwal toodi ka Peep Rimm, 16 aastat wanna, wahhi al kohtomaja manno wangi tarre kinni panda.
Sel 7. Julil 1875.
Olliwa koon: Päkohtomees Märt Lüüs, kohtomees Karl Wernik ja Peter Treumuth.
Selle kohto een om David Akkermann tunnistanu, et Peep Rimm temmale om nõuwo andnu sedda Joh. Akkermanni rahha ärra warrastada. Davit Akkermann tunnistas nidate: "Kui minna selle rahha tarrest westi taskist olli ärra warrastanu, sis andse minna tõisel päiwal hommuku warra selle rahha Peep Rimmi kätte. Kui paljo sedda rahha selle kotti sissen olli, sedda ei tija minna, minna es loe sedda rahha mitte ülle. "
Sel sammal päiwal toodi Peep Rimm ka kohtu ette nink se David Akkermanni kaibus sai temmale ette loetus, selle päle kostis Peep Rimm nidate: "Minna ei olle David Akkermann'ile ütteki kurja nõuwo andnu rahha ärra warrastada, ja ei olle ka David Akkermann minno kätte rahha andnu."
Sel 10. Julil 1875.
olliwa koon: Päkohtomees Märt Lüüs, Kohtomees Karl Wernik, Juk Hansi, Rein Mendik ja Peter Treumuth.
David Akkermann toodi kohto ette nink temma kostis: "Se ei olle mitte õige, et minna selle warrastedu rahha 140 Rbl. Peep Rimmi kätte olle andnu allale hoita, enge minna olle selle rahha kige kottiga weskiwwi järwe wissanu."
Sel sammal päiwal om David Akkermann jälle üttelnu: "Se om wõls, et minna sedda rahha olle järwe wissanu, enge se rahha om selle samma haina maa pääl puhma sissen, kos minna eddimelt ütlesi selle rahha ollewat, kon jo ütskõrd olleme otsiman käunu."
Sel 11. Julil 1875.
David Akkermann weedi wahhi al jälle Tinno weskiwwi manno selle nimmitedu platsi päle sedda rahha ülles otsima, ent sel kõrral olli ka se rahha üllesotsiminne ilma asjata, rahha es olle kongi lõida.
David Akkermann toodi ka sel täämbatsel päiwal jälle sija kohtomaja manno taggasi wangi panda.
Sel 14. Julil 1875.
olliwa koon: Päkohtomees Märt Lüüs, Kohtomees Peter Treumuth ja kog. wöörmünder Jaan Anzow.
David Akkermann astus koggokonna kohto ette nink temma käest küssis koggokonna kohhus, mes perrast temma nidapaljo om wõlsnu muide innimestele ja ka selle koggokonna kohtule: 1. tunnistas David Akkermann sel 140 Rubla rahha ärra warrastanu ja hainamaa päle puhma sisse pandnu ollewat; 2 kõrda tunnistas temma selle rahha Peep Rimmi kätte ollewat andnu; 3 kõrda tunnistas temma se rahha Järwe wissanu ollewat, ja 4 kõrda tunnistas temma et se 140 Rbl. rahha sääl-samman hainamaa pääl puhma sissen om, kos temma eddimest kõrda tunnistas pandnu ollewat; ent siski ei olle se rahha mitte weel kätte saadu.
Selle päle kostis David Akkermann: "Minna piddi häddäka nida paljo wõlsma, sest nemma omma minno wiinaga jobunus jootnu ja omma minno ka pesnu."
Minna ei olle sedda rahha mitte warrastanu.
Päkohtomees Märt Lüüs XXX
Kohtomees Peter Treumuth XXX
" Rein Mendik XXX
Sellen Johann Akkermanni ärra warrastedu 140 Rbl. rahha üllesotsimisse asjun.
Wallawannemb Johann Zimmer om muide wallawallitsusse liikmide abbiga sedda Johann Akkermanni ärra warrastedu 140 Rbl. perra nakkanu nõudma, nink sel sammal päiwal om David Akkermann Annemõisa rentnik Samul Zimmerile ülles tunnistanu: "Kuule pai perremees, sinnole tahha minna kik ärra tunnistada; minna olle selle Tinno Johann Akkermanni 140 Rubla rahha kül ärra warrastanu, ja minna pandse selle rahha kige kottiga hainamaa päle ütte puhma sisse, minna anna selle rahha sinno kätte allale hoita."
Sel 3. Julil 1875.
David Akkermann, 16 aastat wanna, toodi kohtomaja manno 2 wahhi al wangi tarre kinni panda.
Sel 4. Julil 1875.
Tõine kõrd om David Akkermann nidate ülles tunnistanu Samul Zimmer, Peter Treumuth, Jaan Anzow ja Johann Akkermann kuulden: "Se om õige, et minna selle rahha 140 Rbl. olle ärra warrastanu."
Sel sammal päiwal wõtse Jaan Anzow, Peter Treumuth ja Johann Akkermann David Akkermanni wangitarrest wälja nink lätsiwa sedda rahha üllesotsima, ent se otsimisse waiw olli kik ilma asjata, rahha es saa mitte kätte.
Sel 5. Julil 1875.
Om David Akkermann üttelnu, et temma selle rahha 140 Rubla om Peep Rimmi kätte andnu allale hoita.
Sel sammal päiwal toodi ka Peep Rimm, 16 aastat wanna, wahhi al kohtomaja manno wangi tarre kinni panda.
Sel 7. Julil 1875.
Olliwa koon: Päkohtomees Märt Lüüs, kohtomees Karl Wernik ja Peter Treumuth.
Selle kohto een om David Akkermann tunnistanu, et Peep Rimm temmale om nõuwo andnu sedda Joh. Akkermanni rahha ärra warrastada. Davit Akkermann tunnistas nidate: "Kui minna selle rahha tarrest westi taskist olli ärra warrastanu, sis andse minna tõisel päiwal hommuku warra selle rahha Peep Rimmi kätte. Kui paljo sedda rahha selle kotti sissen olli, sedda ei tija minna, minna es loe sedda rahha mitte ülle. "
Sel sammal päiwal toodi Peep Rimm ka kohtu ette nink se David Akkermanni kaibus sai temmale ette loetus, selle päle kostis Peep Rimm nidate: "Minna ei olle David Akkermann'ile ütteki kurja nõuwo andnu rahha ärra warrastada, ja ei olle ka David Akkermann minno kätte rahha andnu."
Sel 10. Julil 1875.
olliwa koon: Päkohtomees Märt Lüüs, Kohtomees Karl Wernik, Juk Hansi, Rein Mendik ja Peter Treumuth.
David Akkermann toodi kohto ette nink temma kostis: "Se ei olle mitte õige, et minna selle warrastedu rahha 140 Rbl. Peep Rimmi kätte olle andnu allale hoita, enge minna olle selle rahha kige kottiga weskiwwi järwe wissanu."
Sel sammal päiwal om David Akkermann jälle üttelnu: "Se om wõls, et minna sedda rahha olle järwe wissanu, enge se rahha om selle samma haina maa pääl puhma sissen, kos minna eddimelt ütlesi selle rahha ollewat, kon jo ütskõrd olleme otsiman käunu."
Sel 11. Julil 1875.
David Akkermann weedi wahhi al jälle Tinno weskiwwi manno selle nimmitedu platsi päle sedda rahha ülles otsima, ent sel kõrral olli ka se rahha üllesotsiminne ilma asjata, rahha es olle kongi lõida.
David Akkermann toodi ka sel täämbatsel päiwal jälle sija kohtomaja manno taggasi wangi panda.
Sel 14. Julil 1875.
olliwa koon: Päkohtomees Märt Lüüs, Kohtomees Peter Treumuth ja kog. wöörmünder Jaan Anzow.
David Akkermann astus koggokonna kohto ette nink temma käest küssis koggokonna kohhus, mes perrast temma nidapaljo om wõlsnu muide innimestele ja ka selle koggokonna kohtule: 1. tunnistas David Akkermann sel 140 Rubla rahha ärra warrastanu ja hainamaa päle puhma sisse pandnu ollewat; 2 kõrda tunnistas temma selle rahha Peep Rimmi kätte ollewat andnu; 3 kõrda tunnistas temma se rahha Järwe wissanu ollewat, ja 4 kõrda tunnistas temma et se 140 Rbl. rahha sääl-samman hainamaa pääl puhma sissen om, kos temma eddimest kõrda tunnistas pandnu ollewat; ent siski ei olle se rahha mitte weel kätte saadu.
Selle päle kostis David Akkermann: "Minna piddi häddäka nida paljo wõlsma, sest nemma omma minno wiinaga jobunus jootnu ja omma minno ka pesnu."
Minna ei olle sedda rahha mitte warrastanu.
Päkohtomees Märt Lüüs XXX
Kohtomees Peter Treumuth XXX
" Rein Mendik XXX
