Protocolli pääle № 17, 31, & 46 es saa Jaan Möldre awalikus teta, et Albret Asserus temale wõlga oles masnu Sangaste kogokonna kohto man, waid to om tosama raha ollu, mes Albret Asserus Puu oksjoni aigu tema käest olli lainanu. - Aga Jaan Möldre ütles, tema ei ole mitte Albret Asserusele lainanu, waid tema om Ostjide hulgan ollu ja puu ostmise pääle raha andnu. waid Albret Asserus om nüüd käändnu, kui oles tema lainanu Jaan Möldre käest to raha, ja om Sangaste kogokonna kohto lawwa pääl Jaan Möldrele to raha tagasi masnu, ja tema käen ei ole Jaan Möldre raha. -

Et Jaan Möldre awalikus es woi teta, et Albret Asserusel temale mõnd wanna wõlga oles massa ollu, ja to raha, mes Asserus Sangaste kohto lawwa pääl andis - to wõla masmine oles ollu, - waid - to olli toosama puuraha, mes Jaan Möldre puude pääle olli andnu, - ja et Jaan Möldre to raha tagasi saÿ, ja raha enamb Albret Asseruse käen ei ole, sis

Moisteti:

Jaan Möldre ei woi Albret Asseruse käest enamb üttegi puid ei ka raha nõuda, sest ta om oma raha Asseruse käest kätte saanu. -

Kohto otsus kuulutedi kohtun käüjile 1860 aastase sääduse raamatu §§ 772 & 773 oppusega. -