Protokolli pääle 72 tunnist Hindrik Morusk, tema om lännu pullikest mõtsa otsma, sis om ta manu saanu, kui pullikene om kraawin ollu, ära lõpnu, ja keel wäljan. - Too pääle om tema lännu, ja kraawist wälja wisanu, nink kodu tullu ütlema. - Tema ei olewad mitte kraawi ajanu. -

Jakob Lok tunnist, tema om nännu, kui pullikene om sääl maganu kõwa maa pääl ja kõrwo riputanu, sis tulli kodo, ütelnu kubijale, ja kubijas om saatnu Hindrik Moruski perra. - Pullikene om  maganu sääl pool kraawi, - aga Hindrik Morusk om manu saanu, kui pullikene om kraawin ollu, moisa poolt perwe pääl kraawist kodu poole pää, ja ära lõpnu. - Aga tema ei ole teda mitte kraawi ajanu. -

Karjused, kes toll päiwal karjan olliwa, omma Ann Ilwes, ja Johann Moruski naine.

Ann Ilwes tunnist: Hommugu poole kodo tullen om tema een karja tullu, tema ei tija midagi, kudas pullikene mõtsa jäÿ. -

Herra ütles: Johann Ilwes om naha maha tõmmanu pullikesel, to woida tunnistada, et pullikene om sisest terwe olnu, - aga Johann Morusk ütles, et pullikenel om naha wahel wesi olnu. -

Otsus: Johann Ilwes, ja Johann Morusk 2 Nowembris sija tallitada. -