Kohto ette aste Wilhelmiine von Heeni preili Howi kohtu adwokat C. E. von Ditmari hära man olemisen, kes ütelisi Wilhelmine won Heeni Preili kohtu asju talitap, ja andsiwa järel sasiswad kohtu asja wasta Ilmjerwe talo poja Otto Palmi Wiro talo õiguse nõudmise perast täämba sele kogokona kohtu man üles. 

Sel 13nel Märzil 1869 saije Ilmjerwe kogokon kohtu säärane leping tettus mes Wilhelmine von Hehni Preiliu poolest tol kõral kirjotedi Protokoli järgi siin sõna sõnalt ette andis.

Ilmjerwe kogokonna kohus sel 13dal Märzil 1869.

koon oliwa:

Pääkohtomees Hendrik Weski

Kohtomees Tanni Andersoon

     -   "   -     Kusta Kiiwidt

Täämbatsel päiwal tuli Preili von Hehni eest hoolekandja ja tema kohto asju talitaja wöölmöndre hära C von Roth kohtu ette, ja wöölmondre hära kutsmise pääle om ka täämba Otto Palm won Hehni Preili wasta kohtu asjan Wiru talo pidamise õiguse üle ära lepimise perast sija kogukona kohtu ette talitedu nink Otto Palm lepse oma priitahtmise pera täämba sele asja üle niida: Et Preili won Hehn seda raha sele Wiro talo ostmise pääle om andnu ja ehitamise pääle henast kulutanu nink tema /: Otto Palm/ nüüd seda raha ei jõwa Preili won Hehnile walja massa sis soowib ja lubab taa nüüd seda Wiro talu maija oma nime päält ära Preili von Hehni nime pääle kirjotada nida et temal sääl midagi enamb tegemest ehk nõudmist ei ka wastutamist tole maja asju sisin ei jää:

Nii pea kui se Wiro talo kondraht suurembist kohtist Preili won Hehni pääle ära om kinitedu sis peab Preili won Hehn se wõla kiri mes temal Otto Palmist käen om pääle kondrahti kinitamise Otto Palmile kohtu läbi kätte andma ja ka selega üten 200 /kats sada Rublat raha ka kohtu läbi kätte masma. -

Nink nida om se lebing mõlembilt poolt rahuga ära lepitu, ja ei ole enamb kumaltki poolt midagi sele üle ütlemist, kele pääle ka mõlemba oma käe kirja sele lebingu Protokoli ala kirjotiwa. -

                                               Pää kohtumees   Hendrik Weski XXX

L. S.                                        kohtomees          Tanni Andersoon XXX

[markeeritud pitsati koht]     -   "   -               Kusta Kiiwit XXX

Wilhelmiine von Hehni Preili kohtu asju talitaja Carl von Roth. 

Wirro talo müüja  Otto Palm. -

₦ 1886

Von Einer Kaiserlichen IVten Dorpatschen Kirchspielt Gerichte wird hierdurch attestirt dast Otto Palm hierselbst am heutigen Tage erklärt dass vorstehendes Protokoll des  Ilmjerweschen Gemeinde gerichts von ihre eigenhandig underschreiben verden und dos er die Cassion das Wirro gesindes für sieh seine Erben und Erbnechnens valtzogen hat.

Schwarzenhof im IV ten Dorptschen Kirchspielsgericht, den 12ten Mai 1869.

Kirchzielbenhtel W, Schwartz.

L. S.

[markeeritud templi koht]                          Notaire   Drawnik

Kui nüüd Otto Palm  aastal 1875 keiserliko Balti Domiamai walitsusiga Wiro talo üle ostmise kondraht oli tenu, sis andis Otto Palm to kondrahi keiserliko Tarto Kreis kohtu man kinituses sisse, Kreiskohus kutsus Proklami läbi 10nel Decembril 1879 № 2096 kigi neid sinatsid üles, kel sele Otto Palmile Wirro talo müümise wasta säädusliku kaibamist om 6. kuu aja sisen Keisgerihti kohtomanu üles andma sele temale Wilhelmine von Heni preilile sele tema ja Otto Palmi wahel tetu lebingu pohjusel perast Keiserliko Tarto Kreskohto man om kaibanu et Wirro tallo mitte Otto Palmi nime pääle ei peasi kirjotedus saama sis om Kreskohus temale kirja käte andnu d.d. 23 Junil a.o. sub ₦ 1109 mes tema siin ette näitas kos temal om luba andu Wiro talo asju perrast Otto Palmi wasta kos tarwis kaebust tõsta Otto Palm et ei taha aga nüüd mite oma lepingot täüta kele man temal Otto Palmil kül üteki säädusliku põhja ei ole. Otto Palm olla kül priitahtlikult too wirro maja temale Wilhelmine won Hehni Preilile kui ommandust kätte andnu kele ostmises von Hehn preili 1200 Rub. lainanu ola jo pääle sele kui Wiro talo tema won Hehni preili nime pääle saap kirjotedus, sis tema von Hehni preilile kohus Otto Palmile 200 Rub wälja massa, ja ni tema ka saada tegema et selega sis kig Otto Palmi nõudmised Ja õigused Wirro talo kohta peawa otsan ja kistudettu olema. Et nüüd Otto Palm ei taha ilma kohtu abida oma lebingut täüta, sis palep tema von Hehni preili kogokonna kohut temale abis ola ja moista et Oto Palm peab oma leppingut täütma, ja et Wiro talo peap sele pöhja pääle temale won Hehni preilile kui oma ommandus - käte moistedus. -

Sele pääle sai Otto Palm ette kutsutus, ja tema andis järel saiswad wastust: -

Sel 13nel Märzil 1869 aastal ₦ 13 all Ilmjerwe kogokonna kohto man tema ja von Hehni preili tole ajatse kohto asjun talitaja Härrä C. von Rothi wahel ära tetu lebingu pääle Wirro talo asju perast wastudas Otto Palm, et woolmondre härra C. von Roth ola tole kõral teda sundnu üte lebingut ala kirjutama kele põhjused ola, et tema Otto Palm ola essi oma priitahtlikult henda nime päält ära kirjutada kui Wirro talu kondrahti suurembist kohtist saawa von Hehni preili nime pääle, aga see sinane maja een õiguse müümise pohjus ei saawad riigi sääduse ja esi eralikult kroonu maade müümise ja talo rahwa õigusega sukuki koko, sest tema Otto Palm olla wöölmöndre härrale C. von Roth meelte tuletanu, et sele asjale peab säädusligumb põhi olema, muido ei woi ni sugutse kaubaga mite tulewiku sisse astu. Sele een õiguse ostmise säädusligus täüdmises ola C. von Rothi hära teda Otto Palmi talitanu, tole ajatse kroonu kohtu ametnigu Härra von Hanke ette Tarto liina ja om soownu eennimitedu lebingut täütsa sääduses tetta, keiserliku kroonu kohtu ametnik härra von Hanke ola C. von Rothi härale meelde tuletanu, et sääratene maja müümine mite sääduslik ei ole. - et suurembist kohtist ei teta ütegi kontrahti Wirro talo üle von Heni preilile. Ka ola von Hanke kinitanu, et Otto Palmil enne oma maija müwa ei ole kui säädusligud peris kondraht Wirro talo üle kroonu käest käte oma saadetu ja nende üle sääduslikud talitused Tarto Kreiskohtun täüdetus oma saanu. Wiimate ola von Hanke Härra sääduse ramatu C. von Rothi harrale ette näüdanu, kos kohalik punkt sele asja üle ola lugeta olnu, et Wirro talo enegi sell mõõdul wõida müüdus saada, ni sama kui käöes olewade wiro talo ostmise peris kondrahtides säädus saisap Wöölmöndre härra C. von Roth ola Ilmjerwe kogukona kohtu man awwaldanu et üte ära ostedu krundi üle kroonu käest kroonu kohtudel midage enamb tegemist ei olewat waid se lähawat ilmligu kohtude seletuse ala. Too perast olewat tema Otto Palm ka keiserliko Tarto Kreiskohtun kui ilmliku kohtu asjade toimenduse käest sele asja üle selget otsust perrinu kui wiisi sele asja üle säädus käsep. Säält ola temale ni sama seletedu kui eennimetedu kroonu kohtu härra von Hanke een. -

Nüüd küsis Otto Palm: kui wöölmöndre harr C. von Roth 13nel mail 1869 tettu leping sääduses tunistedas misperast ei ole mitte suurembest kroonu kohtist von Heni preili pääle Wirro talo kontrahti joba enne tettu ja kinnitedu ni kui lebing kinitab ja mis perrast ei olla C. von Rohti härra mitte ütte säädusliku proklami sele üle wälja panda ehk kuludata et ka Wirro talo tõteste von Hehni preilile sääduslikult ärra müüdu om.

Otto Palm ola joba seda lebingut täütmest kawwa pidanu odama aga ei olle C. von Rothi härra kui von Hehni preili wöölmönderest mite täüdetus saanu, sele perast ola tema Otto Palm Balti Domainai walitsuse ja kogukona kohtule kos lebing tetu om üles andnu, et tema seda lebingut 12 Mail 1869. aastal enamb sääduslikus ei tunista sele pääle ola tema peris kondratid Wirro talo üle Balti Dominai walitsuse käest saanu ja kelega Wirro talo müümine ja ostmine tõise põhja pääl saisap, kui tetu lebing tole perast tunistada tema awalikult, et tema neid Wirro talo kondrahte kelegi enamb ei muu käen olewa wirro talo kondratides saiswat ka see punkt kui monel mõnda seletust sele koha kohta on, sis tehakse seda kui saadused ja käsüd seda on kinitanu, sel tähendata et kui wirro tallo üle lainatu raha perast om ütlemist sis saap se muidoki ni tetus kui Balti kubermangu essi eralikult kroonu maade man riigi säädus käsep. -

Sele pääle sai kogukona kohtu poolt moistedus.

Otsus:

I Et Otto Palmi üles andmise perra endine kroonu kohtu ametnik härra von Hanke endise preili von Hehni wöölmöndre härra Carl von Rothile neide lebingut Wiro talo perast, mis om tettu 13nel Märzil 1869: sääl seleten ja kontrahti von Hehni preili pääle kinitada tahten oli seletanu, et wiro talo milgi wiisil kroonu Dominai walitsuse sääduse põhjusel ei woi W. von Hehni preilile kinitetus ei ka kirjotedus saada, sele et ta Otto Palmile kõrd jo müüdu om nink et ka sele Wiro talo müümise ja ostmise lebingu üle mis om tettu C. von Rothi ja Otto palmi wahel säädusliku Proklaama ei ole kuulutedu. -

II. Et Otto Palm sele lebingu perra mis neil 13nel märzil 1869. W. von Hehni preili wöölmöndre härra C. von Rothi wahel kogukona kohtu man protukolin om kirjotedu mite lepitud henda 200 /katssada/ rublat ei ole walja mastud saanu, mida Otto Palm seeni ajani kawa om pidanu ootma ja se läbi hära von Rothist ütlkles henda petetus saanu olewat et ta üteki kotust es saa wõtta. -

III. Et Otto Palmile Keiserliku Dominai walitsuse polest sääduslikult ostmise kontrahti om andu Wirro talu kui oma omanduse üle. -

IV. Et Otto Palm too ostmise raha 1200 rublat eneki protokoli järgi preili käest om lainanu, ja enegi too lainu raha masmises maja preili kate andis kele masmine 16ne aasta pidamisen mis maja wõla tasumiseks om olnu ka nüüd köik wölg tasa saap olema. -

V. Et Otto Palm Keiserliku Balti Dominai walitsuse kirja ette näitis mis temale kwitungi wasta kogukona walitsuse käest käte anti, sel 18 Nowembr 1878 № 6662. kos temale teeda anti et wirro tallo mite won Hehni preilile waid Otto Palmile om müüdu ja et kogukone kohus seda tõiste ei wõi tetta kui Dominai walitsus om tennu. -

VI. Et kogukona kohus mitte keiserliku Domainen walitsuse poolest Otto Palmile wälja antu ostmise kondrahtisi Wirro talo üle ei wõi murda Otto Palmi päält ärra Wilhelmine von Hehni preili pääle, kele tarwis kostki kroonu kohtust säädusliku lupa ei anta. -

Sis möistis kogukona kohus to lepingu mis om 13nel märzil 1869 N 13ne all kogukona kohtu man Otto Palmi ja Wilhelmine von Hehni preili wöölmondre härra Carl von Rothi wahel tettu kui mite säädusliku lepingu tühjas: ja peap W. von Hehni preili Wirro talo kewate 1881. Otto Palmile kätte andma. -

Kohtu otsus kuulutedi kohtun käüjile 1860ne aastase Liiwimaa talo rahwa sääduseramatu parakrahwi 772 - 773 . opusega, kele pääle atwokat E. von Ditmari härra kui won Hehni preili kohtu asja talitaja Wiro talu Preili nimel üles andis, et tema neide ees nimetedu 6we punktide otsusega rahul ei ole, ja palus lehte wälja suurembat kohut käwwa. - mis ka andus saie. -

Pää kohtomees Johan Roose,

kohtomed Jakob Nauz,

                   Ado Petersoon,

kirjotaja P. Asor.