Wana Koiola kogokonna kohtun, Wissel, sel 4tal mail 1882

                                                                             #

Peter Kattai Hamastest kaibap, et Peter Wissow nink Jüri Lutz pidawa Tarto liinan kaupmees Kubly woori pääl kawwen, tema koorma perra kaema, kui ta esi kontorist kiri pidi otsma woori üle, kui tema selle kirjaga tagasi tulnu om paleto, mes 10 rbl wäärt lastu ära warastada, selleperast nõwwap kaibaja et Peter Wissow nink Juri Lutz ülesantu kahjo temale pooles peawa tasoma. s.o.kumagi pääle 5 rbl.

Peter Wissow annap wastust, et kaibaja ei ole mitte temal henne koorma järele warguse eest käsnu hoita. 

Niisama ütles ka Jüri Lutz wälja, et Peter Kattai ei ole mitte käsnu henne koorma perra kaeda. -

Kaibajast tunistajas pantu Peter Ostra ütles wälja, et tema ei ole mitte kuulnu, et Juri Lutz nink Peter Wissow oles Peter Kattai woori koorma, henne wastuta-

mise pääle wõtnu. 

Mõistetu: Et tunistust ei ole et kaibatawa henne pääle koorma wastutamise oles wõtnu

Otsus: Peter Kattai ei saa Peter Wissow nink Jüri Lutz kaest midagi

Otsus ette loetu § 772 - 774 kuulutet.

                        Kohtuwanemb: J Weiken  XXX

                                do               Joosep Hurt  XXX

                                do               Jaan Tobrelutz

                                            Kirj. P Black

Peter Kattai kuulut, et tema selle otsusega rahu ei ole pallel suurembat kohut kawwa, mes ka lubatus sai.