Protokolli pääle № 20 tunnist Karl Juust: Tema - Karl Juust om saisnu kõrdsi wööruse usse läwe pääl, - sis om tema nännu, kui Hindrik Peterson om kõrdsimehe kajo mant alla joosknu mööda kõrdsi nukka, paije poole käsipuije manu, ja om ollu püss rihma piti käen, - to pääle om tema - Karl Juust kõrtsi sisse lännu, ja ei ole nännu, kos Hindrik Peterson püssi om pandnu. - Peran ildamb - tollsamal õdangul - om Hindrik Peterson kõrdsain ütelnu: "Püss ei ole enamb sääl, kos ma panni, wist om Moisa sepp ära wõtnu". -

To pääle om tema - Karl Juust moisa sepa käest püssi perra küsinu, - sepp om ütelnu, et ta ei tija. - Weel tunnistas Karl Juust, et tema om kuulda saanu, kui Johann Elpus olla kõnelnu, et Hindrik Peterson olla too püssi Nustaku kaupmehele - Sawile - ära müünu. - Muud ta ei tija, tost püssist midagi.

otsus: 27 ette tellida: Johann Elpus, ja Hindrik Peterson. -