Peedo Peterson kaibas, kui temal 1880 minewa aasta suure Neljapäiwa ööse om ära warastedu Orikult tema kambrest: 2 särki, tõine 20Rb, tõine 15 Rb. wäärt, - 1 naiste undrik, 15 Rb, - 14 naela linast langa - 10 Rubla wäärt, - 4 kolmandiko suurmit, 10 Rubla wäärt - summa 70 Rb eest wäärt -

Nüüd om Karl Maala temale kõnelnu, et to kraam olla wiidu Widriki Oru kõrdsimehe Hans Paizi kätte; -

Karl Maala tunnistas: Tema om pääle suure Reedi 2 päiwe - Lihawõtte edimätse püha ööseni - Oru kõrdsi man olnu, sis om Oru kõrdsi naine Miina Paiz andnu temale kortina wiina ja ütelnu: "Mine too Kandso mõtsast kraam ära."

Tema om toonu, ja andnu Miina Paizi kätte. - Tema - Karl Maala olla kuulda saanu, et Kooraste pois Jaan Hõlpus olla to kraami warastanu. - Muud ta ei tija. -

Miina Paiz andis Protokolli, - Karl Maala om - nii kui pea jo ka kiik rahwas tijawa täwweste waras, ja ka nende kiusaja, ja olla see tunnistus Karl Maala poolt täitsa wõls. - Päälegi ei olla see kiigepidi sääduse wasta, et ütte warast - kes kiigepidi omma au wargusega teotanu om - tunnistajas arwatas, - kes ka nende kiusaja om. Weel andis Miina Paiz üles, -et tema sellest warastedu kraamist midagi ei tija, ja es ole ka Karl Maala temale üttegi warastedu kraami toonu. Karl Maala tunnistus om kiige pidi wõls, - sest et ta esi waras om, - woida olla - et Karl Maala esi warasti.

Jaan Hõlpus om küll toll ööl Oro kõrdsin ollu, aga to ööse ei olla ta kõrdsist koheki saanu, - tood wõida ka tunnistada: Peeter Rondolts, Jaan Rüga, ja Jaan Rätsepp, ja Kusta Meri, - kea ka kiik to öö Oru kõrdsin olla olluwa. -

Weel tunnist Miina Paiz, et Karl Maala om temale ütelnu: "Peeto Peterson om lubanu mulle 5 Rubla raha massa, to perast ta om tunnistanu, - aga kui Peedo Peterson kiik ära ei massa, siis ta ka enamb ei tunnista. -

otsus: 27 ette tallitada: Widrikist: Peeter Rondolts ja Jaan Rätsep, Miina ja Hans Paiz, - Pilkuselt: Jaan Rügä - Peedo Peterson, ja Karl Maala. -