Märt Kraw kaibas: "Juk Jauk tahtse minno pistuliga mahha laska. Sedda sawa ne tunnistaja: Johann Sarw, Paap Möldre ja David Pook tõttes tunnistama."

Tunnistaja Johann Sarw andse nidate tunnistust: "Märt Kraw, David Pook, Paap Möldre, Ott Kaska ja minna, meije tullime koddo pole nink kui meije Lattika Meose nurme kotsil ütte truupi manno saijime, sis hõikas Juk Jauk mõtsast: "Kes sääl omma (käuwa), kes teije ollete? Jääge saisma, kui teije saisma ei jää, sis minna lasse!" Juk Jauk'al olli üts katterawwaga pistol käen kui temma mõtsast wälja tulli nink ütles: "Teije ei olle no mehhe, keddas minna mõtli ollewat."

Tunnistaja Paap Möldre andse nidate tunnistust: "Juk Jauk tulli meile Lattika tallo nurme man mõtsa weeren järgi nink ütles: "Minna pallota teile püssiga." Kui Juk Jauk meije manno sai sis andse temma selle pistoli Märt Krawi kätte, ent Märt Kraw es anna sedda pistolit ennamb Juk Jauk kätte enge laskis mõllembist rawwadest lahhinge wälja."

Tunnistaja David Pook om Märt Krawile suggulane, tunnistas nida sammute kui Johann Sarw om tunnistanu, nink et se pistol Märt Krawi kätte om jäänu.

Et Juk Jauk kohto ette ei olle tulnu, om otsus selleperrast andmata jänu. 

Päkohtomees Märt Lüüs XXX

Kohtomees Karl Wernik XXX

  "  Juk Hansi XXX

  "  Peter Treumuth XXX

  "  Rein Mendik XXX