Ette aste Albreht Asserus kaibas, et temal olla wiie aasta eest Kauro sep kahe rawwaga püs ja 29 lauda 6 jalg pik 1½" pak 13-14 tolli lajad ja molemi ööweltedu ära warastedu. Ja kewade enne om olla Jaan Stein 3 saelaud 4 süld 2 jalga pik 1 plank 7 jalga pik - 14½ tolli laya 4½ pooll tolli paks. -

Püssi olla ta ütte Kaagwere mehe käest kätte saanu, ja palles kohud, seda asja üle kullelda.

Treimanni Kusta Mõts, wene usku, elab Sangasten, ütles, tema olla Jaan Steini käest see Asseruse püssi ostnu 5 rubla eest, selle püssi olla taa 10 rubla eest oma sõsara mehel Leetuse Jaanile äramünu

Jaan Stein, elab Restun, ütles et tema olla see püssi üthe weneläse käest ostnu Ilmjerwe kõrtsin, 5 rubla eest ja olla see püssi 7 rubbel Kusta Mõtsale ära müinud - Kortusowo ollu kõrtsimees.

Kusta mõts kutsuti ette, et ta olla selle püssi eest 7 rubla masnu.

Jaan Wallner, wene usku, Kaagweren Karulan, ütles, tema olla Kusta Mõtsa käest üts kats rawwaga püss ostnu 10 rubla eest, ja Asserus olla nüid tema käest see püssi ära wõtnu, et ta olla tema püss. -

Asserus kaibas weel, et kui tema olla püssi kätte saanu, sis olla Kusta Mõts ütelnu, et Jaan Stein olla temale see püssi tuonu, üttelnu et Asserus olla see püssi ära kaotanu, ja sis olla to teda tema kätte tonu, olla ka laudu toonu ja üthe plangi, siid man om ollu Mihkel oinas tunnistaja ja kui tema Jaan Wallneri käest olla püssi kätte saan, sis olla ta üttelnu, et ta olla 14 rubla masnu. -

Jaan Wallner sai ette kutsutus ta ütles, eta olla iks üttelnu Asserusele, et ta olla 10 rubla masnu, arwanu ka, kraami järele, 14 rubla -

Kusta mõts sai ette kutsutus ta ütles et temal olla Jaan Wallner rehgentan selle püssi eest 

2 waka püidli jahu

1 kaalu suola toonu

Ja kui Asserus tema käest nõudnu kas ta om Leetuse Jaanile 1 püss müinu, sis olla ta ära salanu. Aga kui Asserus püssi näidanu sis olla ta kiik ära ütelnü.

Kui Jaan Stein om tema kätte see püssi toonu, sis om üttelnu et Matsi wanamees kaotanu see püssi ära ja sis tema olla ta ära toonu ja kaeda, et too kaugempa saa. Tema ei olla kül edimalt tahdnu wõtta, aga sis perast olli wõtnu ja annu selle Jaan Wallnerile ära, tema ei olla Jaan Steinile midage andnu, ei olla ka Jaan Wallner temaga muud rehnungi kui ennegi 2 waka püidli jahu, ja need ka olla rehgendamata. - Pääle selle olla Jaan Stein tema käte kats kõrd sae laudu toon edimäne kõrd olli 4 sae lauda, 7 jal pik pääle selle olla tõinekõrd saanu pikembid laud, 4 woi enamb, ja weel üts plangi ots - tema ollu Simula Kristule ka laudu -

Nendest lawwust oles pedanu temale  seu om Jaan Steinile, sängi tenu. ta olla ka sängi tenus, ja olla 1 rubla lubanu, ei olla ka sedage kätte saanu. -

Kui ta see püssi olla Leeduse Jaanile andnu, sis olla ta ka üttelnu, et Jaan Stein olla temale see püssi toonu.

Jaan Wallner sai ette kutsutus, ja küsitus, et mis temal om Kusta Mõtsa käest saada, ta ütles, et tema olla andnu 2 waka püidli jahu röä püidlid ja olla weel muud ka, ollu asju. - Kui pallu, olla temal mitte meelen. Ja kui tema olla Kusta käest püssi ostnu, sis ei olla tema midage Kustale üttelnu, ei ka Kusta temale ütelnu.

Jaan Steinist ei teadwad tema midage

Jaan Stein sai ette kutsutus, ta ütles, tema olla iks Kustale püssi müinu ja olla seidse rubla saanu, need lawwad, mes ta Kustale wiinu, need olla naad Zea madisega Andruse käest saan, taa ollo 4 tükki saanu enamb ei olla taa mitte saanu. -

kohdo otsus:

lätsiwa lepma.