Wana Koiola kohokonna kohtun, Wissel, sel 18tal mail 1882.

Man olliwa kohtuwanemb: J. Weiken

                    kohtumees: Joosep Hurt

                            do       : Johan Pikk                         

Peremees Johan Jaan p Kriiwa om ööse oma hoonetest üts mees kinni wõtnu keda tema ei ole tundnu, nink and seda kogokonna kohtu kätte.

Nimetedu inemine ütlep henda Ottepää Kroonu wallast kodapoliko poig Jaan Roos, Jaan p ollew - tema käest sai passi nõutus ei ole midagi ette nautada, ütlep et tema om tulnu ütte kirja tooma Johan Kade naisele kee om wangin Tarto landra kohtu man olnu, nink olla Riiga ara saadetu - selle kirja sisen olla Johan Kade soowimine et tema naine ütten Siberi maale elama lääs.

Et sel mehel mitte kohusse kogokonnast passi nink maarastki tunistust ütten ei ole - peap see Jaan Roos Keisriliku Wõro Maakohtu kulumise kätte antus, et temaga sääduse perra saas talitedus. -

                            Kohtuwanemb: J. Weiken  XXX

                            Kohtumees: Joosep Hurt  XXX

                                  do             Johan Pikk  XXX

                                 Kirjot. P. Black