Koigu kogokonna kohtu Protokolli pääl № 152, 26 Janurist 1881 kaibas Jakob Herbst, et tema olla Hendrik Wäärsi käst hobese wahetanu, ja tema olla se hobese Adam Õrakele ära müinu, et ollo warastud hobene, ja Koigu kogokonna kohtun ollu temale 46 rubla massa mõistetu nink nõwwab seda raha Wäärsi käest kelle käest tema see hobese om saanu.

Hendrik Wäärsi ütles, tema olla see hobese Johan Roose käest wahetanu.

Johan Roose ütles, tema ollo see hobese Kiiwiti Märt Urmi käest wahetanu. -

Märt Urm ütles, tema olla see musta mära esi kaswatun, olla sündinu 1874, 5 Aprillil, ema om weel prõlla tema käen. See mära olla tema Roosele wahetanu.

Kohtu otsus.

Et selgede teeda om, et see hobene mis Jakob Härbst om Hendrik Wäärsi käest wahetanu, selgede et Märt Urm om teda kaswatan, ja om seda sis Johan Roosele wahetanu, Johan Roose aga Wäärsile, sis mõistse kohus seda Jakob Herbsti kaibust Hendrik Wäärsi pääle tühjas.

Kohtu otsus kuulutedi kohtun käijile 1860  - §§ 772 -  773 oppusen.