Rendi herra Beitler kaibas Wenne keriko naised omma moisa hainamaad poimanu. Marget Weewoo om nättu, kül too woib tunnistada, kes tõise olliwa. -

Moisa walitsus nõwwab kahjo tasumist - kohtomehes Aado Peterson om takserinu kahjo 6 Rubla. 

Wenne keriko poolt om kiik Moisa haina maa ära põimetu.

Köster Punschuni tütär om kohtomehe Aado Petersonile ütelnu, et Marget Weewoo om ollu. -

Köstre Tüdruk Mari Kalapüüdja salgas et tema ei ole käinu hainu moisa niidun poimaman ja ei ole ka kedagi nännu poimawat. -

Marget Weewoo ütles niisama. -

Wenne keriko Rentniko tütär Mari Müllerson - oma esa man olemisen - ütles, ka tema ei ole hainu toonu, ja ei ole ka kedagi nännu säält toowad. -

Rentniku mant pops Eewar Müllerson salgas, tema ka ei ole nännu, ei ka esi põimanu. -

Et tunnistust ei ole, et Wenne keriko naisterahwas olessi põimanu, et kül arwata om ja tõte, et keaki muid es saa noid haina maad rikku, sis Rendi herra Beitler ei saa omma kahjo tasumist nõuda, waid herra Beitler laskis Protokolli kirjotada ja neile kuulutada: kedas pääle selle haina maa päält Wenne keriku rahwist kätte saijas, - massab ka see trahwi ilma ütegi wasta kõnelemata takast järgi.

otsus:

Rendi herra Beitler üles antu - saije kiigile eennimitedu Wenne keriko rahwile ette loetus. -