Wanna Anzmõisa mõtsawallitsus kaibas et Arrokülla maja rahwas ei olle mõtsa pallamisse manno kistutama tulnu.
Jaan Treumuth kostis, et temma omma sullase mõtsapallamisse manno om saatnu, ent essi piddas temma koddost ärra Pattuperra külla minnema.
Jaan Ots kostis: "Minna näggi kül, kui too mõts pallama läts, ent minna ei saa käsku mõtsa pallamisse manno minna nink es tija ka keddaki sinna saata."
Juk Arro kostis: "Ni pea kui minna näggi, et mõts pallas, nakkasi minna joosma ja sai sinna mõtsa pallamisse manno nink nakkasi kistutama. Tool ajal kui minna mõtsapallamisse manno jooskse, sis tulli Peter ja Johann Laas minnole järgi ka mõtsapallamisse manno."
Johann Laas kostis: "Kui minna ja minno welli Peter mõtsapallamisse manno saime, ees olle weel üttegi innimest sääl man; wimate tulli Marri Kallion, sis mõtsawaht Johann Kallion ja Kabri Koemõtz, sis tulli Matli Laas, tütruk Lisa, Peep Mõttus ja Peepo naine Marri, nink perrast tulli Jaan Treumuthi sullane Johann Helstein, - neide innimestega sai se mõtsapallaminne ärra kistutedus."
Otsus.
Kolm kohtomeest, Märt Lüüs, Juk Hansi ja Peter Treumuth - omma mõistnu: Jaan Treumuth peab 1 Rbl. nink Jaan Ots peab 2 Rbl. trahwi masma waeste ladiku hääs. Juk Arro ja Johann Laas ommawa trahwist prii mõistetu.
Päkohtomees Märt Lüüs XXX
Kohtomees Juk Hansi XXX
" Peter Treumuth XXX
Wanna Anzmõisa mõtsawallitsus kaibas et Arrokülla maja rahwas ei olle mõtsa pallamisse manno kistutama tulnu.
Jaan Treumuth kostis, et temma omma sullase mõtsapallamisse manno om saatnu, ent essi piddas temma koddost ärra Pattuperra külla minnema.
Jaan Ots kostis: "Minna näggi kül, kui too mõts pallama läts, ent minna ei saa käsku mõtsa pallamisse manno minna nink es tija ka keddaki sinna saata."
Juk Arro kostis: "Ni pea kui minna näggi, et mõts pallas, nakkasi minna joosma ja sai sinna mõtsa pallamisse manno nink nakkasi kistutama. Tool ajal kui minna mõtsapallamisse manno jooskse, sis tulli Peter ja Johann Laas minnole järgi ka mõtsapallamisse manno."
Johann Laas kostis: "Kui minna ja minno welli Peter mõtsapallamisse manno saime, ees olle weel üttegi innimest sääl man; wimate tulli Marri Kallion, sis mõtsawaht Johann Kallion ja Kabri Koemõtz, sis tulli Matli Laas, tütruk Lisa, Peep Mõttus ja Peepo naine Marri, nink perrast tulli Jaan Treumuthi sullane Johann Helstein, - neide innimestega sai se mõtsapallaminne ärra kistutedus."
Otsus.
Kolm kohtomeest, Märt Lüüs, Juk Hansi ja Peter Treumuth - omma mõistnu: Jaan Treumuth peab 1 Rbl. nink Jaan Ots peab 2 Rbl. trahwi masma waeste ladiku hääs. Juk Arro ja Johann Laas ommawa trahwist prii mõistetu.
Päkohtomees Märt Lüüs XXX
Kohtomees Juk Hansi XXX
" Peter Treumuth XXX
