David Müür kaibas: "Annemõisa rentnik Samul Zimmer ei olle minno poleterramehhe poolt saaki mitte kätte andnu:

1. ülleminnewa aasta pool saaki 1 1/2 wakka nissu ja 3 wakka keswi olle minna rehhe man Samul Zimmerile ärra masnu, ent wimate wõtse Samul Zimmer minno käest 3 wakka keswi eest 'a 2 1/2 Rbl. - teeb 7 Rbl. 50 Kop. 

2. Minnewa aasta põllu saagist ei olle minna kätte sanu 2 wakka Rükki, 2 wakka Keswi, 1 wak Kaaru ja 2 1/2 kaalu linna rahha; 1 1/2 kaalu linnu olle minna ärra rabbanu ja 1 kaal jäi rabbamata. Sellest linna rahhast ei olle minna ennamb kätte sanu kui 3 Rbl.

3. 6 aasta eest olle minna Samul Zimmerile 26 Rbl. 80 Kop. lainanu, ent weel mitte kätte sanu ja

4. om saada Walda Sowa maa kündmisse eest 50 Kop., 12 nakla linna rahha 1 Rbl. 20 Kop., 2 mõetu linna seemnid 2 Rbl. 60 Kop. ja 3 kõrra Walkan käimisse eest -- Samul Zimmeri käest. 

Samul Zimmer astus kohto ette nink temmale om se David Müür kaibus ette loetu; selle päle kostis Samul Zimmer nidate:

1 punkt. Sedda 1 1/2 wakka nissu ja 3 wakka Keswi om David Müür kätte sanu;

2 punkt. Se om õige, et David Müürile om minnewa aasta saakist saada 2 wakka Rükki, 2 wakka Keswi ja 1 wak Kaaru. Linnade eest omma Annemõisa poleterramehhe egga üts sanu 73 Rbl., David Müür om ärra sanu 3 Rbl. - om weel Samul Zimmeril 70 Rubla David Müürile massa. 

3 punkt. Se ei olle mitte õige, et minna David Müüri käest rahha olle lainanu, enge üts-kõrd mitme aasta eest taggasi käwwe David Müür Walka liinan nink olli jobunu, sis ütli minna David Müüri naise poja Peter Hinn'ile, et Peter Hinn peas kaema, ehk wahhest om David Müüril rahha ütten, selle päle läts Peter Hinn ja Karl Post David Müüri manno nink wõtsewa temma taskust rahha ärra nink tõiwa se rahha kõrtsi ja luggesiwa ülle, sedda rahha olli 22 Rbl. nink Peter Hinn wõtse se rahha henda kätte. ja

4. punkt. Se om õige, et David Müüril Walda Sowa maakündmisse eest 50 Kop., 12 nakla linnarahha 1 Rbl. 20 Kop. (David Müür olli kaupa wõlgu 1 Rbl. eest) ja 2 mõetu linnaseemnide eest 2 Rbl. 60 Kop. sada om."

David Müür om ärra sanu:

37 punna 10 nakla linna rabbamisse eest	22 Rbl.	50 Kop.
12 2/3 wakka alla maa kündminne ja äestminne	13	75
hobbese rahha eest	6
massina eest	1	50
rehha warrete teggemine	2
pärahha	4	25
6 päiwa hobbese töö eest	6
3 sülle puude eest	3
linna rahha om ärra sanu	3
Üttekokko	62 Rbl.	Kop.

Sel 28. Augustil 1875.

Tunnistaja Linnert Reiljan andse nidate tunnistust: "Kewwadel 1874 kui Samul Zimmer David Müüriga poleterra põllu saagi ülle arwu piddasiwa, sis massis Samul Zimmer David Müürile weel 20 Kop. rahha wälja nink olli neide ütlemisse perra rehknung selge."

Tunnistaja Karl Soom andse nidate tunnistust: "2 aasta eest wõtse Samul Zimmer David Müüri käest 3 wakka Keswi nink pandse omma aita; kuis neide rehhknung olli, sedda ei tija minna mitte."

Tunnistaja Karl Post andse nidate tunnistust: "Minna olli man kui Peter Hinn David Müüri taskist 22 Rbl. rahha wõtse nink jäi se rahha Peter Hinni kätte. Peter Hinn ütles, et temmal om David Müüri käest rahha saada."

Tunnistaja Peter Krewald andse nidate tunnistust: "Kui Samul Zimmer David Müüriga mõnni kõrd selletust teggiwa, sis es ütle David Müür kunnagi et temmal Samul Zimmeri käest rahha saada om."

Sel 18. Septbr. 1875.

Selletus tettu: David Müüril om Samul Zimmeri käest sada: 

Walda Sowa maa kündmisse eest	Rbl.	50 Kop.
2 mõetu linna seemnid	2	60
2 wakka Rükki	4
2  "  Keswi	4
1  "  Kaaru	1	30
linna saak 1874 aastal	73
Üttekokko	85 Rbl.	40 Kop.
David Müüril om massa	62
Om Samul Zimmeril David Müürile massa	23 Rbl.	40 Kop.

Selle selletussega ommawa mõllemba, David Müür kui ka Samul Zimmer - rahhule. 

Päkohtomees Märt Lüüs XXX

Kohtomees Juk Hansi XXX

  "  Peter Treumuth XXX

  "  Rein Mendik XXX