Kusta Kiiwid kaibas, kui poisi omma ilmasjanda Ilmjerwe kõrdsi man teda tahtnuwa pessa, - löönuwa teda maha, pandnuwa pengi pääle. - Tema ei woida teeda kes no poisi olliwa. -

Karl Teder tunnist tema ei ole midagi tennu. -

Hindrik Rebane tunnist: tema ei tija midagi, ei ole ka Kusta Kiiwidi löönu.

Karl Lucht tunnist: Ta om nännu, kui Kusta Kiiwid om taga kõrdsi läwe pääl - pää taga kõrdsin - jalad ede kõrdsin - pikäli ollu, penk säljan. - Kes teda maha löönu ja pengi sälga pandnu, ei olla ta nännu. -

Kusta Urm tunnist: tema om toll kõrral wäljan ollu, ja ei ole tollest tülist midagi nännu ei ka kuulu. -

Kusta Saar tunnist: tema ei olla kedagi putun, waid poisid omma kül sääl ümbre Kusta Kiiwidi, ja tõuganuwa Kiiwidi taga kõrdsi läwe pääle maha. - Sääl omma alustaja olnuwa: Hindrik Rebane, ja ka tõise poisi. -

Karl Oinasgof ütles - nema omma neljakeste õlud joonuwa, - ei tija kes Kiiwidi maha tõuganuwa. Sest kõrts om rahwast täüs olnu. -

Kusta Kiiwid ütles, et omma süüdlased: Hindrik Rebane, Karl Teder, ja Michel Wäärsi. -

otsus:

Ette tallitada: Michel Wäärsi, Karl Teder, Hindrik Rebane, Michel Oinasgof Moisast. Karl Lucht, Karl Oinasgof, Natalie Peterson. -