Ilmjerwest Albret Asseruse palwe pääle, tema kohtu asjus wasta Restu moisa walitsust, temale üle kohtu wiisil süüs pantu Restu moisa mõtsa ragumise perast - temale Albret Asserusele - selget tunnistust saada, et tema süüdlane ei ole - olliwa täämbas Albret Asseruse poolt üles antu tunnistaja selle kogokonna kohtu manu kutsutu, ja nimelt:

Reztust Ainu Zirrel, Liinamäält Johann Haljas, Sangastest Widrik Karu, Pühajerwest Jaan Laawitz, Johann Kallijon ja Jaan Kuus. -

Kutsmise pääle aste ette Restust Ainu Zirrel, ja tunnist, kui teda Restu moisa walitsuse kaibusen wastu Albret Asserust keiserliko Tarto maa kohtu manu om tunnistajas kutsutu, sis olla Restu moisa walitseja temale Jaan Steiniga hobese andnu Tartude söita, ja 1 Rb. tee rahas. - Misperast Restu Moisa walitseja selle poolest teda ja Jaan Steini wasta nii armulik ollu, - ei woida tema teeda. - Ka tunnist Ainu Zirrel et Restu moisa walitseja ka Jaan Laawizale olla 2 Rubla andnu, kes ka sellesama asja perast om Tarto maa kohtu manu kutsutu. - Muud tema ei teedwad. -

Tunnistajad: Sangastest Widrik Karo, Liinamäelt Johann Haljas, - Pühajerwest Jaan Laawitz, Johann Kallijon ja Jaan Kuus ei olewa täämba selle kohtu ette kutsmise pääle tullu. -

Otsus:

Üles antud Protokolli kirjotada, ja Protokollist ära kiri /:Copia:/ - palwe pääle Albret Asserusele wälja anda. -