Soldat Josep Püwwi kaibas tüttarlats Hels Wacht (11 aastat wanna) assemel, et Karl Iwask, Hindrik, Jaan ja Michel Puusep sel Hels Wachtil omma ündriku ülle pää tõmmanu nink sis kinni köutnu.

Karl Iwask, 14 aastat wanna, tunnistas, et temma sedda tüttarlast mitte putnu ei olle. 

Jaan Puusep (10 aastat wanna) tunnistas, et temma tüdrukul mitte ündriku ülle pää ei olle kini köutnu, ja ei olle ka mitte nännu, kes H. Wachtile sedda olles tennu. 

Hindrik Puusep (10 aastat wanna) tunnistas nidasammute kui Jaan Puusep om tunnistanu.

Michel Puusep (8 aastat wanna) ei ütle sellest middake teedwat. 

Marri Püwwi, Josepi naine, ütles, et kui ne poisi tedda olliwa trotsnu, temma sis neid mõtsawahhi poige ja Karl Iwaskit om löönu. 

Et üttegi tunnistajat ei olle, kes näunu olles, et ne poisi sedda Hels Wachti omma trotsnu, om se kohhus selle Josep Püwwe kaibust tühjas mõistnu. 

Päkohtomees Märt Lüüs XXX

Kohtomees Karl Wernik XXX

  "  Rein Mendik XXX