Sel 15. Mail 1875.

Kaibaja Jaan Tedder kaibas omma welle Märt Tedder ülle nidate: "Märt Tedder ei anna minno essast perra jänu warrandusse ossa-jaggo minnole mitte kätte.  Märt Tedder ostis Sikka tallo hendale perrisses, nink minna nõwwa sellest ostetu majast ka hendale 400 Rbl. ossajaggo ja minno 13 aasta sullase palka 300 Rbl., üttekokko 700 Rublat."

Sel 29. mail 1875.

Kaibataw Märt Tedder astus selle koggokonna kohto ette nink temmale om se Jaan Teddre kaibus ette loetu; selle päle andse Märt Tedder nidate kostust: "Kui minno essa Karl Tedder aastal 1854 Webruari kuul ärra kooli, sis olli minno essal maggasi aita wilja wõlgu:

11 Zetwerti	9 Karnist	Rükki	se teeb	57 Rbl.	92 Kop.
7  "	48  "	Keswi	"  "	27	21
2  "	15  "	Kaaru	"   "	6
		üttekokko		91 Rbl.	13 Kop.
Mõisale wõlgu selget rahha				39	42 1/2
Jürri Zibbule sullase palk				20
Jürri Zibbu käest olli Karl Tedder ütte hobbese ossa selget rahha lainanu				22
2 kaalu soola (Jürri Zibbu käest)				12
Aastal 1854 olli Karl Tedder wõlg suur				184 Rbl.	55 1/2 Kop.

Sedda wõlga 184 Rbl. 55 1/2 Kop., mes minno essal olli, sedda olle minna kik ärra masnu, nink minno welli Johann ja Samul Teddrele olle minna ka omma jõudu mööda warrandust andnu, nida et nemma mõllemba täämba päiwani minnoga rahhule ommawa olnu, nink ei olle üttegi kaibust minno wasta tõstnu; nida-sammute omma minno 3 sõssard, Mai, Marri ja Leno mehhele lännuwa nink ka omma ossajaggo minno käest ärra sanu.

Minno welli Jaan olli 1 aasta wanna, kui meije essa Karl Tedder ärra kooli, minna olle tedda 13 aastat kaswatanu nink temma eest murret kandnu nink wäiwa nännu. Kui minno welli Jaan minnoga tahhab kokko leppida, sis lubba minna temmale 9 aasta eest palka:

4 aastat om temma karjan käunu	'a 2 1/2 Rbl. teeb	10 Rubla
5  "  om temma sullane olnu	'a 15 Rbl.  "	75
üttekokko		85 Rubla

Jaan om ärra sanu:

5 lammast om Jaan ärra müünu, ne olliwa maja lamba (om emma jaggo lamba olnu)	11 Rbl.
Jaani eest olle minna trahwi masnu (peab Jaan masma)	8
Linna rahha sanu (om sullase erra maa päält)	16
Emma hõbbe sõlg Jaani käen (ei tija keaki kos om jänu)	5
	40 Rbl.
Om minnol weel Jaanile palka massa	45 Rubla.

Sel 12. Junil 1875.

Olli koggokonna kohtopäiw, ent ne kohton-käuja es tulle kumbgi kohto ette. 

Sel 10. Julil 1875.

Tunnistaja wanna Karl Zimmer andse nidate tunnistust: "Minna ei wõi ennamb 23 aastat taggasi meelde algata, kui suur Sikka Karl Tedder warrandus sel ajal olli, kui temma ärra kooli, nink ei tija ka kui suur rahha arwu perra se warrandus wäärt olli."

Tunnistaja Jürri Zibbu andse nida sammute tunnistust kui wanna Karl Zimmer om andnu. 

Sel 7. Augustil 1875.

Märt Tedder ja Jaan Tedder olliwa siin selle koggokonna kohto een, nink om sel päiwal se 1854 aastal ärra koolnu Sikka Karl Teddrest perra jänu warrandus Märt nink Jaan Teddre üllesandmisse perra ülleswõetu, ja om mollembide arwamisse perra selle warrandussele egga tükkile rahha wäärt manno pantu, nink selle allan ülleskirjutedu tabelli wimatse joone sissen om selle koggokonna kohto arwamisse perra rahha wäärt manno kirjutedu ja selle perra om ka se koggokonna kohhus otsust andnu:

	Märt Tedder om wäärt  arwanu	Jaan Tedder  om wäärt  arwanu	Kog. kohhus  om wäärt arwanu
	Rbl.	Rbl.	Rbl.	Kop.
2 hobbest (mõllemba wanna)	20	100	60
1 katte aasta wannu wars (hobbene)	20	30	25
5 lehma	50	90	60
2 härga	30	30	30
1 hõhw, 1 aasta wanna	6	12	8
3 wassikat, 1 ehk 1 1/2 kuud wanna	3	9	6
10 lammast	15	30	20
6 Zikka	24	42	30
6 põrsast, 2 ehk 3 kuud wanna	6	6	6
2 attra, 2 töö-wankrit ilma rawwutamata ja 2 pari puu äkle	2	25	10
tõrdu, towri, pangi, ruhhe ja muud mitmesuggutse maja puu annomet	15	50	30
suwwe-wilja seemend	es olle	50	30
üttekokko	194	474	315

Sel 28. Augustil 1875.

Otsus antu:

Sikka Karl Tedder warrandus olli suur nida kui üllewan om ülleskirjutedu	315 Rbl.	Kop.
Aastal 1854 olli Karl Tedder wõlg suur	184	55
jääb 7 perrandajale ärra jaggada	130 Rbl.	45 Kop.

Perrandaja omma kaddunu Karl Tedder latse:

poig Märt	saab ossajaggo	18 Rbl.	63 Kop.	om ärra sanu
"  Johann	"  "	18	63	om ärra sanu
"  Samul	"  "	18	63	om ärra sanu
"  Jaan	"  "	18	63	ei olle weel sanu
tüttar Mai	"  "	18	63	om ärra sanu
"  Marri	"  "	18	63	om ärra sanu
"  Leno	"  "	18	63	om ärra sanu
üttekokko		130 Rbl.	41 Kop.

Se koggokonna kohhus om mõistnu:

Jaan Tedder saab Märt Teddre käest palka:

1.	Kui Jaan Tedder	16 aastat wanna olli, saab	5 Rbl.	Kop.
2.	"  "  "	17  "  "  "  "	8
3.	"  "  "	18  "  "  "  "	30
4.	"  "  "	19  "  "  "  "	30
5.	"  "  "	20  "  "  "  "	30
6.	"  "  "	21  "  "  "  "	30
		üttekokko	133 Rbl.	Kop.
Märt Tedder om Jaan Tedder eest trahwi masnu			8
Jääb perra			125 Rbl.	Kop.
Essast perra jänu warrandusse ossajaggo manno			18	63
Om Jaan Teddrel Märt Tedder käest sada			143 Rbl.	63 Kop.

Neile kohton käujatele omma ne L. T. S. §§ 772,773 aastast 1860 ette loetu. Jaan Tedder kui ka Märt Tedder ei olle selle kohtomõistmissega rahhule, enge tahhawa (mõllemba) surembat kohhut käwwa; nendele om ka Appellation-tähhe sel 4. Septembril c. wälja antu. 

Päkohtomees Märt Lüüs XXX

Kohtomees Karl Wernik XXX

  "  Juk Hansi XXX

  "  Peter Treumuth XXX

  "  Rein Mendik XXX